Qala ákimi M.Áıtenov kúni keshe Eńbekshi aýdanynyń 2-shi sektoryna qarasty shaǵyn aýdandardyń turǵyndarymen kezdesken bolatyn. Atalǵan kezdesýde kóterilgen máselelerdi sheshý maqsatynda, búgin Eńbekshi aýdany ákimi apparatynyń uıymdastyrýymen quzyrly basqarmalardyń jaýapty mamandary "Jas dáýren" shaǵyn aýdanynyń turǵyndarymen kezdesti.
Atap aıtsaq, Shymkent qalasynyń jolaýshylar kóligi jáne avtomobıl joldary basqarmasynyń, sonymen qatar, qalalyq energetıka jáne ınfraqurylymdy damytý basqarmasynyń, aýdan ákimshiliginiń mamandary turǵyndarmen birge Temir jol ótkeli jáne Jastar kóshelerin aralap, joldardy jóndeý, kóshelerdi jaryqtandyrý jáne úılerdiń mekenjaı nómirlerin retteý máseleleriniń sheshilý joldaryn qarastyrdy. Aǵymdaǵy jyly Jastar kóshesi jáne Temir jol ótkeli asfalttaldy.
Temir jol ótkeliniń mektepke baratyn jolyn jaryqtandyrý josparda bar. Temir jol ótkeliniń qalǵan ishki oram kósheleri 2023 jyly asfalttalatyn bolady.
