Tehnikalyq qadaǧalau mamandary qūrylys ūiymdarynyŋ säulet, qala qūrylysy jäne qūrylys qyzmetı salasyndaǧy barlyq belgılengen qūrylys talaptaryn, onyŋ ışınde oryndalǧan jūmystardyŋ sapasy, merzımı, qūny, oryndalǧan jūmystardy qabyldau jäne paidalanuǧa berıluın qamtamasyz etedı.
Tehnikalyq qadaǧalau mamandary «Qazaqstan Respublikasyndaǧy säulet, qala qūrylysy jäne qūrylys qyzmetı turaly» Zaŋynyŋ talaptaryna säikes, memlekettık säulet-qūrylys baqylau jäne qadaǧalau organyna ai saiynǧy negızde obekt qūrylysynyŋ jai-küiı jäne barysy turaly eseptı ūsynuǧa mındettı.
Qazırgı taŋda, İİDM Qūrylys jäne tūrǧyn üi-kommunaldyq şaruaşylyq ısterı komitetı tarapynan eQurylys bıryŋǧai aqparattyq jüiesı engızılgen. Qaǧaz qūjat ainalymy qysqartylǧan.
Ol jüiede tehnikalyq qadaǧalauşylarǧa sifrlyq alaŋ ūsynylǧan, iaǧni elektrondyq sifrlyq qoltaŋba kömegımen qūjattardy jüiede toltyryp, tapsyra alady.
Degenmen, qyzmet ataqaratyn tehnikalyq qadaǧalauşylar özderıne jüktelgen mındetterdı tiıstı därejede oryndamau saldarynan, qūrylystyŋ sapasyn, jai küiın baqylauda qiyndyqtar tuǧyzuda.Osy tuyndaǧan özektı mäselelerdı tehnikalyq qadaǧalauşylardyŋ nazaryna jetkızu maqsatynda 2022 jyldyŋ 25 säuırınde qaladaǧy tehnikalyq qadaǧalauşylardyŋ qatysuymen Basqarma tarapynan jiyn ötkızıldı. Sonymen qatar jiynda tehnikalyq qadaǧalauşylarǧa ai saiynǧy eseptı eQurylys tapsyru boiynşa asa köŋıl böludı jäne säulet-qūrylys salasyndaǧy zaŋnamalary boiynşa tüsındırmeler berıldı. Būl üderıs baqylauǧa alynyp, är aida eseptı kezeŋnen soŋ tehnikalyq qadaǧalauşylarmen jinalystar ötıkızılıp keledı. eQurylys bıryŋǧai aqparattyq jüiesı turaly 8 (7252) 24-75-05 telefony arqyly keŋes aluǧa bolatynyn nazrlaryŋyzǧa jetkızemız.
