Endi bir adamnyń birneshe bankten nesıe alýyna bolmaıdy, dep habarlaıdy “Adyrna” ulttyq portaly.
Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý máseleleri boıynsha ózgerister men tolyqtyrýlar engizý týraly» zań jobasy maquldandy.
«Búginde nesıe alý salasynda kóptegen alaıaqtyq jaǵdaılary kóp kezdesedi. Árbir qarjylyq uıym nemese ekinshi deńgeıdegi bankter berilgen nesıeler týraly kredıttik bıýroǵa joldaıdy, onda berilgen nesıelerdiń bazasy 15 kúnniń ishinde qalyptasady. Bizdiń túzetýlerge sáıkes, nesıe berý aqparattary bir kúnniń ishinde tirkeledi. Endi, bir-eki kúnniń ishinde 5-6 bankte bir mezgilde nesıe alýǵa tyrysqan adamdarda mundaı múmkindik bolmaıdy.
Ekinshi bank qaıtadan nesıe alýǵa kelgen adamnyń múmkindigin qarap, onyń tabysy nesıeni óteýge jetpeıtinin kórip, onyń ótinishin maquldamaıdy. Sonymen qatar, bul qadamdar ınternet-alaıaqtyqqa da tosqaýyl qoıady», – dedi Danııa Espaeva.
”Adyrna” ulttyq portaly
