Bır paraq qaǧaz üşın 1 mlrd teŋge jūmsalǧan üi būzylmaq

Almatyda 1 mlrd teŋge jūmsalǧan köpqabatty tūrǧyn üidıŋ qūrylysy būzylmaq, dep habarlaidy “Adyrna” ūlttyq portaly Baq.kz saityna sılteme jasap.

Osydan keiın qūrylys kompaniiasynyŋ iesı Mūhtar Abitov būl jobaǧa salǧan aqşasyn qaitara almai sotqa jügıngen. Alaida, sot qūrylys zaŋsyz degen şeşım şyǧarǧan. Al investor barlyq talaptardyŋ zaŋdy türde oryndalǧanyna senımdı. Joba boiynşa aumaǧy 23 myŋ şarşy metr bolatyn 12 qabatty ekı üi salynu kerek bolǧan. Qazır ekı qabattan tūratyn jerasty avtotūraǧy men üidıŋ ekı qabaty salynyp  bıtken. Qūrylys alaŋyna gaz, elektr quaty tartylǧan.

2021 jyldyŋ nauryzynda üidıŋ qūrylysy bastaldy, jospar boiynşa jeltoqsanda salynyp bıtuı kerek bolǧan. Aiyna ekı qabattan köteru közdeldı, iaǧni 12 qabatty üidı alty aida salyp bıtıruımız qajet bolǧan. Qūrylys ekı ai jürdı, keiın toqtatyp tastady. Aldymen Almaty qalasy Qala qūrylysyn baqylau basqarmasynyŋ  adamdary kelıp qūrylys zaŋsyz dedı. Qūjattarymnyŋ barlyǧy ornynda, tek  Säulet-josparlau tapsyrmasyn (SJT) bermei jatqanyn aittym. Sol sebeptı olar maǧan aiyppūl saldy. Ekı ret 291 myŋ teŋgeden töledım. SJT-ny säulet bölımı beru kerek, solar bermei otyr,-deidı  qūrylys kompaniiasynyŋ iesı M.Abitov.

Säulet basqarmasy qūrylysty rūqsatsyz salyp jatyrsyŋdar degen uäj aitqan. Bıraq kompaniia olarǧa 9 ret hat jazyp, mardymdy jauap ala almaǧandaryn aitady.

Olarǧa 9 märte hat jazdym. Ünemı «motivirovannyi otkaz» dep jazady. Olar bırınşı ret jauap bergende üidı ne üşın saluǧa bolmaitynyn, qandai kemşılıgım baryn naqty körsetu kerek edı, soǧan qarap men kemşılıgımdı tüzeitın edım. Degenmen men barlyǧyn normativke sai jürgızıp jatyrmyn,-deidı ol.

Bastapqyda säulet basqarmasy qūrylys kompaniiasyn ekonomikalyq sotqa bergen. Alaida sot üi sürıluge jatpaidy degen şeşım şyǧarady. Keiın komapniia iesı äkımşılık sotqa isk bergen. Olar aldymen SJT alu kerek, sodan keiın eskizdık jūmystar jürgızılsın degen şeşım şyǧarady.

2021 qaraşa aiynda Almaty qalasynyŋ jergılıktı sudialary appeliasiiada qarady, ol kezde menıŋ paidama şeşıp berdı. Bıraq ol şeşımdı sanauly kün būryn joǧary sot būzyp, qūrylysty zaŋsyz dep tanydy. Menı būl jait taŋqaldyryp otyr, öitkenı jergılıktı sottar būl ıstı ekı aidai zerttep baryp şeşım şyǧarǧan. Al, būl ıstıŋ män-jaiyn bılmeitın joǧary sot ony 5 minut qarap, zaŋsyz dep şeşım şyǧarǧanyn tüsıne almaimyn,-deidı qūrylys kompaniiasynyŋ basşysy.

Joǧary sot būzsyn dep şeşım şyǧarǧan qūrylysqa 5 myŋ kub beton, myŋ tonna armatura ketken eken. Mūhtar Abitov būl osy jerge qyzyqqan adamdardyŋ ıstep otyrǧany ma dep küdıktenedı.

Qazır 1990 jyldardaǧydai reiderlık tartyp alu qaita kelıp jatqan siiaqty. Prezident investorlarǧa jaǧdai jasaŋdar, qoldau körsetıŋder dep aitqanymen atqaruşy organdar kerısınşe jasap otyr, tıpten jasaǧanyŋdy tartyp alyp qoiyp jatyr. Basqaşa qalai aitamyn? Gosaktıde būl jerge köpqabatty üi saluǧa bolatyny körsetılgen. Su tartu, kärız jelısıne qosylu, gaz tartu boiynşa tehnikalyq şarttary da bar. Elektr jelısın tartyp, transfomartor qoidym, oǧan qosa osy maŋdaǧy köşelerdı jaryqtandyrdym. Qūrylysqa qatysty J-5 degen qūjatym da bar. Qala äkımınıŋ orynbasary Mūhit Äzırbaevtyŋ qabyldauyna kırgenımde ol kısı qūjattarymnyŋ barlyǧyn körıp, «aǧa, sızde J-5 qūjaty bar ma?» dep sūrady. Bar dep edım, «J-5» bolsa sızde eşqandai problema bolmau kerek» dedı. Mūndai talaptardyŋ barlyǧy oryndalǧanda arhitektura bızge SJT-ny mındettı türde beru kerek. Qasymdaǧy üide tūratyn körşıler qūrylysty saluǧa qarsy emes ekenderın bıldıretın hatty da jazyp berdı, olar kerısınşe būl jerde balabaqşa, därıhana salynatyn boldy dep quanyp otyr. Būl jerde tek SJT  ǧana ūstap tūr, ony nelıkten bermei jatqanyn tüsınbedım,-dep nalidy M.Abitov.

«Art Tehnoss» qūrylys kompaniiasy būǧan deiın qalada bırneşe qūrylys nysandaryn tūrǧyzǧan. 450 oryndy balabaqşa, mektepter salǧan, bıraq ol kezde mūndai mäsele bolmaǧan, deidı kompaniia basşysy.

Nauryzbai audany äkımdıgıne eşqandai narazylyǧym joq. Olar bızdı investor esebınde tırkedı. Olardan eşqandai kedergı joq. 2-3 mlrd teŋge qūiamyn degenımde äkımdık kerısınşe quandy. Būl üidı tūrǧyzuǧa öz aqşamdy salyp otyrmyn. 12 qabatty ekı üiden 176 päter qoldanysqa berılu kerek edı, onyŋ ışınde 5-6 päterın jaǧdaiy naşar, üiı joq jandarǧa bersem dep niet etıp jürgenmın,-deidı ol.

Qūrylys alaŋynda 55 adam jūmys ıstegen, olarǧa 380-450 myŋ teŋge kölemınde ortaşa ailyq tölenıp kelıptı.

İnvestorlarǧa atqaruşy organdar tarapynan jasalǧan qysymdar men kedergıler memleketke qarsy jasalǧan qylymys retınde qaralsyn, degen prezidenttıŋ sözın alǧa tartqan M.Abitov «endıgı ümıtım memleket basşysynda» deidı.

Qūrylysy jartylai bıtken būl nysan nelıkten jaramsyz bolyp qaldy jäne säulet-josparlau tapsyrmasyn nege bermedı degen sūraq boiynşa Almaty qalasynyŋ äkımdıgıne sūrau salǧan edık. Aldaǧy uaqytta onyŋ jauabyn da jariialaimyz.

“Adyrna” ūlttyq portaly