Shymkentte iri AGRS-tiń salyný nátıjesinde shalǵaı eldi mekenderde gaz qosyldy

2101
Adyrna.kz Telegram

Búgin Shymkent qalasynyń irgesinde ornalasqan Asar-2 eldi mekeni turǵyndaryna tabıǵı gaz berile bastady. Bul eldi mekende qazirdiń ózinde 2700 úı bar. Munda 10 myńnan astam adam ómir súredi. Uzaq jyldar boıy kómir jaǵyp, kúl shyǵaryp áýrelengen turǵyndar endi kógildir otynnyń ıgiligin kóre alady.

- Ótken jyly Asar-2 eldi mekenine ishki gaz júıesi júrgizilip, qubyrlar tartylǵan bolatyn. Alaıda, Shymkent qalasy boıynsha gaz tapshylyǵy bolyp, qysymnyń tómendeýine baılanysty jańa eldi mekenderdi gazǵa qosa almaı kelgenbiz. Jaqynda qalamyzda №3 avtomattandyrylǵan gaz taratý stanııasy iske qosyldy. Onyń qýattylyǵy saǵatyna 250 myń tekshe metr. Bul eldegi eń iri AGRS-terdiń biri. Osyǵan baılanysty shaharda gaz tapshylyǵy problemasy tolyq sheshildi. Endi jańa eldi mekenderge gaz berile bastady, - deıdi Shymkent qalasy ákimdigi energetıka basqarmasynyń basshysy Boranbaı Bolatbekov.

Búgin Asar-2-degi 13 úıge kógildir otyn berildi. Abonentteý jumystary «QazTransGaz» AQ-y tarapynan júzege asyrylyp jatyr.

Úıine gaz kirgizip, qýanyshy qoınyna syımaı júrgenderdiń biri – Baıǵaraeva Tursynaı. Bes balanyń anasy tabıǵı gazdyń kelýi turmysymyzdy anaǵurlym jeńildetedi dep esepteıdi.

- Qys mezgilinde úıdi jylytý úshin kómir tasyp áýre bolýshy edik. Ótken jyly kóshemizge gaz qubyry tartylyp jatqanyn kórip qatty qýandyq. Endi, mine, kógildir otyn úıimizge deıin jetti, – deıdi ol.

Jaqynda Asar-2-den bólek, Badam-195 oram, Dostyq, Azat jáne Tassaı shaǵyn aýdandaryna da gaz berile bastaıdy. Qazir daıyndyq jumystary júrgizilip jatyr. 2021 jyly bul eldi mekenderdiń barlyǵynda ishki gaz júıeleri tartylǵan. Al, AGRS-3-tiń iske qosylýymen olardyń barlyǵyna gaz berý múmkindigi týyndap otyr. Jalpy, jyl basynan beri 2 myńnan astam turǵyn gaz alý úshin tehnıkalyq shart jasaǵan.

Bir eskeretin jáıt, memleket gaz qubyryn kóshege deıin jetkizedi. Turǵyndar ony óz qarajaty esebinen úıine kirgizip, montajdaý jumystaryn júrgizýi kerek. Búginde bul qyzmettiń aqysy Shymkent qalasynda shamamen 80 myń teńgeni quraıdy eken.

Aıta keteıik, qazirgi ýaqytta qala turǵyndarynyń 93 paıyzy kógildir otynmen qamtylǵan. Bıylǵy jyldyń qorytyndysy boıynsha bul kórsetkishti 94,7 paıyzǵa jetkizý kózdelip otyr.

“Adyrna” ulttyq portaly

Pikirler