Jer betındegı klimat sekıldı saiasi meteorologiia da ünemı özgerıp otyrady. Älemdegı türlı ekonomikalyq-saiasi sanksiialar, äskeri qaruly küşter, diplomatiia men BAQ-tyŋ söz bostandyǧyna kedergı keltıretın äreketter qoǧamda oryn aluy bügınde taŋ qalarlyq emes. Osyndai kezeŋderde jurnalistikanyŋ rölı qandai?
Būl sūraq Euraziia media forumynda talqylanady. Jiynǧa qatysatyn spikerler: Qazaqstan Respublikasynyŋ Syrtqy ıster ministrı Kairat Abdrahmanov, İtaliianyŋ eks premer-ministrı Matteo Rensi, BŪŪ-nyŋ Jenevadaǧy bölımınıŋ meŋgeruşısı David Chikvaidze, AQŞ-tyŋ (2011-2014) Qytaidaǧy Elşısı Geri Lok.
Sessiia moderatory «Pulitser» syilyǧynyŋ iegerı, «Niu-Iork Taims» gazetınıŋ kolumnistı Nikolas Kristof bolady.
Sonymen qatar, BAQ bolǧan jerde sary basylymdar men būrmalanǧan jaŋalyqtar, arandatuşylar men jalǧan aqparattardyŋ boluy qalypty. Ärı jalǧan aqparatty qoldan jasaityn müddelı toptardyŋ da bar ekenın eskeru qajet. Aqparattyq tehnologiia damyǧan zamanda feik-jaŋalyqtar jasau, ony äleumettık jelıler arqyly taratu tıptı oŋai. Osyndai äreketterdıŋ qoǧamǧa kerı äserın tigızetını belgılı. Aldyn alu joldary qandai? Būl turaly EQYŪ-nyŋ BAQ bostandyǧy jönındegı ökılı Arlem Dezir, «New Day Strategy» kompaniiasynyŋ basşysy, saiasi strateg Rodjer Fisk, jurnalist, saiasatker, qūqyq qorǧauşy Andrei Buzarov, Zaborona.com jobasynyŋ negızın qalauşy, telejurnalist Katerina Sergaskova, «Hashtag our stories» negızın qalauşy Iýsuf Omar syndy saiasatkerler men jurnalister söz qozǧaityn bolady.
Qazırgı taŋda Europalyq Odaq europalyq tūraqtylyq pen örkendeudıŋ ırgetasy bolyp sanalady. Alaida, soŋǧy jyldardaǧy saiasi qiyndyqtar men älemdık oqiǧalar Euroodaqty ainalyp ötpegenı ras. Osyndai qiynşylyqtarda Euroodaqtyŋ atqarar rölı qandai? Bolaşaǧy men mümkındıgı qandai? Būl problemalar medianaryqta qalai talqylanyp jatyr? Osy taqyryp töŋıregınde oi bölıser spikerler qatarynda Ūlybritaniianyŋ Syrtqy ıster ministrlıgınıŋ baspasöz hatşysy Saimon Makgi, İtaliia parlamentınıŋ müşesı, saiasi qairatker jurnalist Debora Bergamini jäne taǧy basqa aituly älem saiasatkerlerı bar. Şara moderatory: jazuşy, telejürgızuşı, BBC Europe arnasynyŋ redaktory Gevin Hiuitt.
Osy jäne özge de özektı taqyryptar Forumnyŋ ekınşı künınde talqylanady.
Forum üstımızdegı jyldyŋ 22-24 mamyr künderı Almaty qalasyndaǧy The Ritz Carlton otelınde ötedı.
XV Euraziialyq Media Forumǧa tırkelu 18-mamyrǧa deiın jalǧasady. Tırkeu üşın http://eamedia.org/ru/ sıltemesıne ötuge bolady. Oryn sanauly.
Jalpy, üş kündı qamtityn şaraǧa 500-den astam otandyq jäne älemdık tanymal spikerler, saiasattanuşylar men qoǧam qairatkerlerı qatysyp, media salasynyŋ özektı mäselelerı qozǧalady.
