Reseı tarapy sheteldik kóshbasshylardy Máskeýdegi Jeńis Kúnin atap ótýge shaqyrǵan joq, óıtkeni bıyl bul kún mereıtoılyq emes, dep habarlady Reseı prezıdentiniń baspasóz hatshysy Dmıtrıı Peskov, dep habarlaıdy "Adyrna" ulttyq portaly.
"Biz Jeńis Kúnine sheteldik kóshbasshylardy shaqyrǵan joqpyz. Bul mereıtoılyq kún emes", - dep túsindirdi Peskov.
Onyń aıtýynsha, Belarýs prezıdenti Aleksandr Lýkashenko 9 mamyrda kelýdi josparlap otyrǵan joq. Peskov sonymen qatar keıbir BAQ-ta jarııalanǵan Palestına prezıdenti Mahmýd Abbastyń josparlanǵan sapary týraly aqparatty joqqa shyǵardy. «Biz mundaı habarlamalardy jasaǵan joqpyz. Bul qate habarlama», - dedi Reseı prezıdentiniń baspasóz hatshysy.
"Adyrna" ulttyq portaly
