22-24 mamyr künderı Almaty qalasyndaǧy The Ritz Carlton otelınde ötetın XV Euraziialyq Media Forumyna 60-tan astam memleketten 800 adam qatysatyn boldy, dep habarlaidy silteme.kz.
Aita ketu kerek, forum jūmysyn aqparattandyruǧa otandyq būqaralyq aqparat qūraldarynan 200-dei jurnalist, 100-den asa şeteldık jurnalister tırkelgen.
Köpşılıktıŋ qyzyǧuşylyǧyn tudyrǧan avtorlyq şeberlık sabaqtaryna 500-den köp adam qatysuǧa niet bıldırıp otyr.
Euraziia media forumynda 7 avtorlyq şeberlık sabaǧy ūiymdastyrylyp otyr. Olar feik jaŋalyqtar, blogsfera, konvergenttık jurnalistika, ǧaryş salasyn, qaruly qaqtyǧystardy aqparattandyru jäne taǧy da basqa qoǧamnyŋ bügıngı özektı mäselelerıne arnalǧan.
«Euraziialyq media forumnyŋ biylǧy kontentı dästürlı türde zamanaui özektı bırqatar mäselelerdı talqylaityn bolady. Olardyŋ qatarynda, aqparattyq tehnologiialardyŋ qarqyndy ösuı, tūraqty damudyŋ bırden-bır şarty retınde «jasyl ekonomika» tūjyrymdamasy, taǧy basqa köptegen mäseleler köterıledı. Būl rette, mereitoilyq forumnyŋ halyqaralyq arenada elımızdıŋ bedelın arttyruǧa qosqan ülesınıŋ orasan ekendıgın körsete alatyndyǧymyzǧa senımım mol», dep atap öttı Euraziialyq media forum bas direktory Ruslan Jemkov.
Jalpy, media forumy 3 kün ötedı. Jiynda 7 plenarlyq sessiia bolady. Forum qonaqtaryn jaŋa pıkırtalas alaŋy, qyzyqty taqyryptar, mazmūndy äŋgıme, spikerlerdıŋ tanymal şoǧyry kütedı. Būl jolǧy Forum «Evoliusiianyŋ 15 jyly: älem özgerısı men bızdı özgertuı».
Ortalyq Aziiadaǧy täuelsız dialog alaŋy retındegı Euraziia Media Forumynyŋ basty missiiasy - sarapşylar, saiasatkerler, ekonomister, qoǧamdyq pıkır ielerınıŋ qatysuymen Qazaqstannyŋ, Euraziianyŋ, tıptı bükıl älemdık qauymdastyqtyŋ ekonomikalyq, geosaiasi, äleumettık mädeni mäselelerın talqylau.
