Qazaqstan kedenındegı sybailas jemqorlyq ısı boiynşa aiyptaluşylar ūstaldy, dep habarlaidy "Adyrna" saity QR Bas prokuraturasynyŋ baspasöz qyzmetıne sıltep.
«Sybailas jemqorlyqqa qarsy qyzmet pen Bas prokuraturanyŋ bırlesken ıs-qimylymen «Nūr joly» keden beketınıŋ basşysy men onyŋ orynbasary qylmystyq äreketke säikes prokuratura qyzmetkerıne 50 myŋ AQŞ dollary kölemınde para bergen jerınen ūstaldy. Sondai-aq «Cargo Management» JŞS ökılı inspektorlarǧa 30 myŋ dollar kölemınde para bergenı üşın qamauǧa alyndy, dep habarlady seisenbı künı Bas prokuraturanyŋ resmi ökılı Darhan Düisembai.Bas prokuraturada naqtylanǧandai, 27 qaŋtarda «Bereket Logistik» JŞS-nıŋ jükterın qaita tekseru barysynda prokurorlar jalpy qūny 22 tonna, qūny on million teŋgenı qūraityn kontrabandalyq jüktı anyqtasa, «Nūr joly» keden beketınıŋ mamany Moşkanov jedel-ızdestıru şaralaryn jürgızgen. Bastapqy tekserude deklarasiialanbaǧan tauarlardyŋ salmaǧy nebärı 337 kg bolǧan.
«Taǧy bır jaǧdaida Almaty qalasy boiynşa Memlekettık kırıster departamentınıŋ qyzmetkerlerı aqparattyq jüielerdegı aqparatty tüzetu arqyly toǧyz importtauşyǧa 143 million teŋge somasyndaǧy tauarlardyŋ kedendık qūnynyŋ tekserısıne köz jūma qaraǧan», - dep tolyqtyrdy qadaǧalau organy.Barlyq ıster tergelude.
«Kedendık retteu salasyndaǧy problemalardy joiu maqsatynda Ükımetke prokurorlyq qadaǧalau aktısı engızıldı», - dedı Düisembai.Eske salaiyq, būǧan deiın Qazaqstan prezidentı Qasym-Jomart Toqaev keşendı tekseru jürgızudı jäne kedendık şekarada tärtıptı qamtamasyz etudı tapsyrǧan bolatyn, sodan keiın 29 qaŋtarda BAQ Qazaqstannyŋ yqpaldy otbasy ökılderımen bailanysy bar keden operatorlaryn tekserıp jatqanyn habarlady. Keiınırek, 1 aqpandaǧy kezdesude Toqaev būl taqyrypqa taǧy da oralyp, kedendegı jäne basqa da bırqatar salalardaǧy sybailas jemqorlyqpen kürestı küşeitudı tapsyrdy - prezident aitqandai, şekarada sybailas jemqorlyqqa tap bolǧandardyŋ jartysy keden qyzmetkerlerıne para bergen. Sondai-aq 1 aqpanda «Dostyq» jäne «Altynköl» keden beketterınıŋ basşylary Erlan Ömırzaqov pen Mälık Şäulenovtıŋ qyzmetınen alynǧanyn habarlandy. Osy künı agenttık yqpaldy otbasymen bailanysy bar bırqatar qazaqstandyq firmalar Qytaidan, Bırıkken Arab Ämırlıkterınen jäne Türkiiadan kontrabandalyq önım äkeldı degen küdıkke ılıngenın habarlady. Aqpannyŋ 10-y künı Mäjılıs deputaty Aidos Sarym «Qorǧastaǧy» zaŋsyz shemalardan eŋ köp paida aluşylardyŋ aty-jönın tekseruden keiın jariia etuge uäde berdı. 14 aqpanda Aqorda üş apta ışınde Qazaqstan men Qytai şekarasyndaǧy tekseruler boiynşa segız qylmystyq ıs qozǧalǧanyn habarlady. 16 aqpanda Qazaqstan EAEO deŋgeiınde qytailyq tauarlardyŋ «sūr» ainalymy mäselesın köterdı. 22 aqpanda Qazaqstan men Qytai arasyndaǧy kedendık derekterdegı alşaqtyq 5,7 milliard dollardy qūraityny belgılı boldy. Sonymen bırge Qyrǧyzstannan Qazaqstanǧa jük kölıkterınıŋ 90 paiyzy deklarasiialanbaǧan qytailyq tauarlardy tasymaldaityny belgılı boldy. 3 mamyrda Bas prokuratura keden salasyndaǧy zaŋsyz shemalardan kelgen şyǧyn 165 milliard teŋgenı qūraitynyn habarlady.Bas prokuratura sonymen qatar QazTAG agenttıgınıŋ Qazaqstandaǧy eŋ yqpaldy otbasylardyŋ bırıne qatysy bar firmalardyŋ kontrabandaǧa qatysty derekterın rastady.
"Adyrna" ūlttyq portaly
Ūqsas jaŋalyqtar
