Nazarbaev däuırınde türlı ministrlıkterdı basqarǧan eks-şeneunık, belgılı ekonomist Jaqsybek Qūlekeev «Sūrauy bar» YouTube arnasyna bergen sūhbatynda Nazarbaev otbasynyŋ qalai biznes jasaǧany jäne onyŋ el ekonomikasyna keltırgen ziiany jaiynda aitty.
«Mysaly sız investor retınde şetelden ülken qondyrǧy alyp kelıp ülken zauyt aşqyŋyz keledı. Däl sondai zauytty «semianyŋ» müşelerı de salǧysy keledı. Sız qondyrǧyny şetelden alyp kelgenge öte köp salyq töleisız, al olar salyq tölemeidı. Sosyn öndırıstı bastaǧannan keiın bırınşı künnen bastap sızdıŋ artyŋyzda salyq inspektorlary jüredı, janyŋyzdy qoimai barlyq tiıstı salyqty töletedı. Al jaŋaǧy zattardy arzanǧa alyp kelgen, şikızattyŋ barlyǧyn arzanǧa alyp kelıp jatqan bedeldı toptyŋ ökılderı salyqtyŋ eşqaisysyn tölemeidı. Sonda sız biznesıŋızdı qalai damytasyz? Ananyŋ şyǧaryp otyrǧan zaty sızden ekı ese arzan bolady. Ekeuıŋız naryqqa barǧan kezde sız jūmys ıstei almaisyz», - dedı Jaqsybek Qūlekeev.Öz kezegınde būndai ädıletsızdık Nūrsūltan Nazarbaev özı synaǧan masyldyqqa alyp keldı deidı ekonomist.
«Otbasynyŋ (Nazarbaev otbasy) jasap otyrǧan närsesı bızdıŋ qoǧamda bäsekelestıktıŋ damuyna, käsıpkerlıktıŋ damuyna öte ülken ziian tigızgen zat. Bız zaŋdy türde otbasyn, elbasynyŋ ainalasyndaǧy otbasy müşelerınıŋ barlyǧyn zaŋnan joǧary qoidyq. Olar zaŋǧa baǧynǧan joq. Onyŋ barlyǧyn zaŋdastyryp qoidyq bız. Olar aitady: «men adam öltırsem de sottalmaimyn», - dep. Sonyŋ ber jaǧynda salyq tölemeu degen ne? Olar zaŋnan joǧary bolǧannan keiın ädılettı qoǧam boluy mümkın emes», - dep pıkır bıldırdı ol.Sūhbattyŋ tolyq nūsqasyn tömendegı sıltemeden köruge bolady: https://youtu.be/AU55Tl3kvbc
