Tájikstanda bir aptaǵa jýyq ýaqyttan beri Taýly Badahshan avtonomııalyq aımaǵyndaǵy narazylyq sharalary saldarynan shıelenisken jaǵdaı áli de saqtalyp otyr. Resmı málimetke súıensek, keminde 8 adam qaza taýyp, 11 adam jaralanǵan. Degenmen, jergilikti telegram-arnalardyń habarlaýynsha, qurbandar men zardap shekkender budan da kóbirek bolýy múmkin, dep habarlaıdy “Adyrna” ulttyq portaly.
Tájikstan ishki ister mınıstrliginiń málimetinshe, 18 mamyrda Taýly Badahshannyń Rýshan aýdanynda «antıterrorlyq operaııa» ótken. Ol «qoǵamdyq-saıası jaǵdaıdy turaqsyzdandyrý» maqsatynda «200 uıymdasqan qylmystyq top» Aýǵanstanmen shekaradaǵy tas joldy jaýyp tastaǵannan keıin bastaldy. Alaıda jergilikti telegram kanaldary lańkesterdiń bolmaǵanyn jazady.
Tájikstan bıliginiń habarlaýynsha, qarýly adamdar eldiń Ulttyq qaýipsizdik memlekettik komıtetiniń lańkestikke qarsy arnaıy bólimshesiniń kólikter kolonnasyna shabýyl jasaǵan.
Al «Ozodı» radıosynyń habarlaýynsha, Taýly Badahshandaǵy jaǵdaı mamyrdyń 14-i kúni Horog qalasynyń (avtonomııalyq oblystyń ákimshilik ortalyǵy) júzdegen turǵyny narazylyq bildirip, GBAO basshysy Álisher Mırzonabot pen oblys meriniń otstavkaǵa ketýin talap etken. Sonymen qatar, narazylar Horogtaǵy barlyq baqylaý-ótkizý beketterin alyp tastaýdy, oblys turǵyndaryn qýdalaýdy toqtatýdy, buryn ustalǵan jáne sottalǵan belsendilerdi bosatýdy talap etti.
Aıta keteıik, Taýly Badahshan (nemese Pamır) óziniń eldiń qalǵan bóliginen oqshaýlanǵandyǵymen tanymal. Aımaq Aýǵanstanmen shektesedi.
Avtonomııanyń memlekettik tili tájik tili bolǵanymen, Badahshan turǵyndary pamır tilderinde sóıleıdi. Tájikterdiń kópshiligi sýnnıtter bolsa, pamırlikter ıslamnyń shııt tarmaǵynyń bir tarmaǵy – ısmaılızmdi ustanady.
“Adyrna” ulttyq portaly
