Köşede ireleŋdep, «Päleketterden qaş, bügın de qarnym aş!» –dep kele jatqanmyn. Qazaqstannyŋ qūrmettı qaiyrşysymyn ǧoi. Şeneunıkterge tıke aitatyn şataǧym bar, osyndai halyq bergen ataǧym bar. Bır qarasam, köşe jiegıne halyq köp jinalypty. Ylǧi semızder, bai–baǧylandar! Älı de köp, aǧylǧandar. Būlar özı, neǧylǧandar? Osylai o–oilanyp tūrǧanymda, «qalalyq äkımşılıktıŋ qyzmetkerlerımız» degen ekı jıgıt menı dyryldatyp, ökpemdı syryldatyp, köşe jiegıne şyǧardy da, aldyma kışkentai stol qoiyp, ony jainatyp tastady, ömırımde jep körmegen uyldyryq, pissa, akulanyŋ etı deidı me, begomettıŋ quyrylǧan betı dei me, tolyp kettı. –Būl ne? –dep sūradym men.–Keşırıŋız, prezident kele jatyr! –dedı äkımşılık ökılı ökıre jazdap.–Oǧan menıŋ qandai qatysym bar?–Halyqtyŋ tūrmysyn, äl–auqatyn köruge kele jatyr eken.–Men... Men qaiyrşymyn...–Äkım tapsyrma bergen. Körıp tūrsyz ǧoi, baidyŋ balalary banan jep tūr. Solardy jinadyq. Prezident kele jatqanda, küşenıp tūryŋyz! Işıŋızdı qampityp, ūrtyŋyzdy tompaityp.–Sosyn?–Sol üşın qala biudjetınen jiyrma myŋ teŋge beremız. Myna tūrǧandarǧa da aqşa bölındı. Segız jüz million!
Quanyp kettım. Uyldyryqtan asap, käuäppen bır jasap, tısımdı tısıme qaşap, oi bır toiǧanym–ai! Janymdaǧylardan estıgenım, prezident tıptı, auyz suǧa jarymai otyrǧan auyldarǧa da barady eken! Bır kezde: «Prezident kele jatyr!» –degen dauys şyqty. Jūrt japa–tarmaǧai qoldaryn būlǧap tūr. Sol qoldarynda qoidyŋ, tüienıŋ, bienıŋ, tauyqtyŋ pısken siraqtary! Halyqtyŋ jaǧdaiy jaqsy ǧoi! Qūrmettı qaiyrşy bolyp jürgenıme qatty ūialyp ketıp, akulanyŋ etınen bır tıstep, şainamai jūta saldym. Jūta salyp, küşenemın kelıp, auzymdy tompaitamyn kelıp. Küşensem boldy, pyşş etıp jelım qūrǧyr şyǧyp kete beredı, küşensem boldy, jelım şyǧyp kete beredı. Qasymdaǧylar qaşyp kettı. Oibuu, mende qai bır jetısken asqazan bar deisız? Bır kezde prezident avto kölıkpen jäimen ötıp bara jatty. Artynda avto şeru. –Bız bai elmız, mūnaily, mūŋdy elmız, bız baqyttymyz! –dedım men aiqailap–Halyqty qanaǧan alpauyttar jasasyn! –dedı bıreu küŋkıldep qana. Prezident qalanyŋ körıktı jerlerımen öte şyqty. Ol ketısımen, käuäptı endı jei berıp edım, jaŋaǧy jıgıtter keldı de:–Atauyŋdy jegır!–dep basymnan salyp qaldy. Aldymdaǧylardyŋ bärın jaipap jep tastady. Uädelı aqşany sūrap edım, ekı sausaqtyŋ arasynan bas barmaǧyn şyǧardy. Būlar halyqty qaşanǧy aldaidy eken, a? Būlar prezidenttı de jalǧan aqparatpen qaşanǧy aldaidy, a? Keiın estıdım, prezidentımız keremet qoi, qalanyŋ kedeiler tūratyn köşesın aralapty. Onda sıŋırı şyqqan, sausaqtaryn soryp tūrǧan kedei–kepşıkterdı körıptı. Söitıp, olarǧa köŋıl bölıptı. Al, premerdı, oblys, qala äkımın otstavkaǧa jıberetının aitqanda, şeneunıkter tırıdei ölıptı...
Mūhtar Şerım,
syqaqşy-jazuşy.
