Qazaqstan Parlamentiniń joǵarǵy palatasy – Senat Táýelsiz Memleketter Dostastyǵyna (TMD) múshe memleketterdiń úkimetteri arasyndaǵy eldegi salyq saıasatynyń qaǵıdattary týraly kelisimniń qoldanylýyn toqtatatyn zań qabyldady. Bul týraly QR Parlamentiniń saıtynda jarııalady, dep habarlaıdy “Adyrna” ulttyq portaly.
Atalǵan kelisimge 1992 jyly táýelsiz postkeńestik memleketterdiń qurylýy kezinde qol qoıylǵany atap ótildi. Onyń maqsaty salyq salý erejelerin birizdendirý negizinde kelisilgen salyq saıasatyn júrgizý boldy. Qazaqstandyq senatorlardyń pikirinshe, 2022 jyly qujat ózektiligin joǵaltqan.
Salyq saıasatynyń kelisilgen qaǵıdattary týraly TMD kelisimi negizgi salyqtardyń biryńǵaı tizimin qoldaný týraly kelisimdi qamtydy. Sonymen qatar, qosarlanǵan salyq salýdy boldyrmaı, KSRO-nyń shet memlekettermen buryn jasaǵan kelisimderin saqtaý máselesin sheshýge kómektesti.
Buǵan deıin Qazaqstan Jeńis sherýin ótkizýden bas tartqan bolatyn.
«Adyrna» ulttyq portaly
