Atyrau oblysy İsatai audany İsatai auylynda 8-synyp oquşysyn joǧary synyptyŋ ūldary aiausyz soqqyǧa jyqqan. Sonyŋ saldarynan jasöspırım türlı dene jaraqatymen audandyq auruhanaǧa jetkızıldı, dep habarlaidy «Adyrna» tılşısı «Aq Jaiyq» basylymyna sılteme jasap.
Jasöspırımnıŋ anasy Gülzada Musaǧalivanyŋ aituynşa, oqiǧa 20 mamyr künı kündız bolǧan. Futbol oinauǧa ketken eken balasy üiıne soqqyǧa jyǧylyp kelgen.
«Otbasymyzda üş balamyz bar. Kenje balam Mūhanbet futboldan bırtürlı denesın auyrsynyp kelgendei boldy. Ne boldy dep sūraǧanymda oinap jürıp, qūlap qaldym dedı. Sodan soŋ jatyp qaldy. Keiın tamaqqa tūrǧyzǧanymyzda oryndyqta dūrys otyra almady, bırtürlı dırıldep otyrǧandai edı. Ertesıne de balam selsoq, jata berdı. Sol kezde üstındegı kögergen ızderdı körıp şoşyp kettım. Dereu «jedel järdem» men polisiiany şaqyryp, aryz tüsırdım», - deidı G. Musaǧalieva.Därıgerler jasöspırımdı audannan oblys ortalyǧyna alyp ketken. Sol jerde oǧan «oŋ jaq iyqtyŋ köptegen jūmsaq tınderınıŋ kögeruı, bel jäne jürek quysynyŋ jaraqaty» degen diagnoz qoiǧan.
«Balama būǧan deiın de älımjettık jasalǧan edı. Bırde 9-synyp oquşylary mekteptıŋ kiım şeşetın jerınıŋ esıgın syndyryp tastap, «Sen syndyrdym dep aitasyŋ» dep qorqytqan. Balam mektep direktoryna tüsınıkteme jazǧan. Bıraq mektep ūjymy mūnyŋ bıreuın maǧan aitqan joq, men bıreulerden estıp baryp, aq-qarasyn şeşudı sūradym. Būǧan bıraq mektep äkımşılıgı bei-jai qarap, jauapsyz qaldyrdy. Ainalyp kelgende jaǧdai uşyǧyp, osyǧan deiın jetıp otyr. Mekteptıŋ psihology ne qarap otyr, şarasyn alyp, tüsındırme jūmystaryn jürgızbei me? Negızı balamdy 9 bala ūryp-soqqan. Ekeuı 9-synyp oquşylary, qalǧany – synyptastary. Dostaryn qorqytyp, balamdy bärı jabylyp ūruǧa mäjbürlegen. Bügınde balalardyŋ äke-şeşelerı kelıp keşırım sūrauda. Men keşırermın, balalardy sottatyp ne tabamyn? Bıraq mūnyŋ aiaqsyz qaluyn taǧy qalamaimyn. Mektep te jauap bersın», - deidı ana.İsatai orta mektebınıŋ direktory Aigül Ädılbaeva «Būl ıspen polisiia ainalysuda, tergeu aiaqtalmaiynşa men eşteŋe aita almaimyn» dep qysqa qaiyrdy. Atyrau oblystyq PD baspasöz qyzmetı mälımdegendei, 21 mamyrda 2007 jyly tuǧan jasöspırımnıŋ soqqyǧa jyǧylǧany turaly ata-anasynan aryz tüsken. Küdıktı retınde İsatai orta mektebınıŋ 9-synyp oqityn ekı oquşysy anyqtaldy. QR QK 107- baby («Densaulyqqa qasaqana ortaşa auyrlyqtaǧy ziian keltıru») boiynşa sotqa deiıngı tergeu amaldary bastalyp, saraptamalar taǧaiyndalǧan. https://youtu.be/QN3o0tK76cY
