Qańtar oqıǵasyna baılanysty kúdikti retinde ustalyp, "Jappaı tártipsizdikti uıymdastyrý jáne qatysý" baby boıynsha aıyptalǵan Almaty máslıhatynyń depýtaty Qaırat Qudaıbergenniń atasy, Almaty qalasy Alataý aýdandyq Ardagerler uıymynyń tóraǵasy Qabdollın Qudaıbergen prezıdent Qasym-Jomart Toqaevqa úndeý joldap, nemeresine qatysty iste ádildik ornaýyna kómektesýdi ótindi. Bul týraly @ne_habar_news ınstagram paraqshasy jarııalady, dep habarlaıdy "Adyrna" ulttyq portaly
«Almaty qalasynyń basshylary, basqa depýtattar alańda kórinbedi. Al endi, sol Qaıratty qańtar oqıǵasynyń uıymdastyrýshysy retinde qamaýda ustap otyr. Bul quqyq qorǵaý organdarynyń jiberip otyrǵan úlken kemshiligi. Sizdiń Jańa Qazaqstan quramyz dep otyrǵan maqsatyńyzǵa qaıshy. Sot júıesi tek onlaın túrde ótip jatyr, 1937 jylǵy qýǵyn-súrgin zamandy eske túsiredi. Sondyqtan sizden ótinim suraıtynym – ádil sheshim shyǵarýǵa kómektesińiz» delingen ótinish mátininde.
Jelide jarııalanǵan úndeý astynda pikir bildirýshilerdiń deni Qaırat Qudaıbergenovtyń jazyqsyz qamalǵanyn alǵa tartyp, ony bosatýdy talap etýde.
Eske sala keteıik, jýyrda Almaty qalalyq soty Qaırat Qudaıbergendi qamaýda ustaý merzimi eki aıǵa uzartyldy.
"Adyrna" ulttyq portaly
