Elimizdiń kók týyn sahnaǵa alyp shyǵyp, balaǵat sózder aıtqan "Irına Kaıratovna" tobynyń múshesi men kópshilik Shiza dep tanıtyn Ashat Jolshıevtiń áreketin ánshiler qatań synǵa alýda. Meırambek Bespaev ta bul keleńsiz jaǵdaıǵa pikir bildirip, olardy qatań jazalaýdy talap etti, dep habarlaıdy "Adyrna" ulttyq portaly.
"Egemendigimiz ben eldigimizdiń belgisi, Táńirden tilep alǵan táýelsizdigimniń sımvoly, qasterli de qasıetti Kók Tý seniń qadirińe jete almaı jatyrmyz-aý. Toq zamanda týǵan jastar sahna tórine shyǵyp, memlekettik rámizimizdi qorlap, aýzyna kelgenin ottap oıran salýda. Osyndaı eserlik pen essizdiktiń sazaıyn beretin zań oryndalýy tıis. Meıli aı bol, juldyz bol, kim bolsań ol bol bizdiń Kók týymyzdy qorlaýǵa eshkimniń qaqysy joq. Bul bir “keshirim” surap qutyla salatyn másele emes. Qatań túrde jazasyn alyp, aıybyn óteýi tıis", — dep jazdy ánshi óziniń ınstagram paraqshasynda.
Eske sala keteıik, 25 mamyrda Almatydaǵy Balýan Sholaq atyndaǵy sport saraıynda ótken konertte Shiza kók týdy qolyna orap alyp, balaǵat sózderin qoldanǵan. Al "Irına Kaıratovna" tobynyń múshesi Azamat Marklenov belgisiz sebeppen kúlip, ony qoldaǵandaı qylyq kórsetken bolatyn.
"Adyrna" ulttyq portaly.
