Oralda äleumettık osal topqa jatatyn 200-ge juyq adam üi kezegınen negızsız şyǧarylǧan. Al olarǧa tiesılı baspanany şeneunıkter basqaǧa bergen, dep habarlaidy «Adyrna» tılşısı «Astana» arnasyna sılteme jasap.
Amalyn tapqan pysyqtar menşıgınde üiı bolsa da, päterge mūqtaj jandardyŋ kezegıne kezekten tys kırıptı. Osynyŋ kesırınen taǧdyr tälkegıne tüsken jetımder eseiıp, otbasyn qūrsa da, balalarymen bırge jetımdıktıŋ tauqymetın älı tartyp otyr.
«Äleumettık osal topqa jatatyn 200-ge juyq adamnyŋ negızsız esepten şyǧarylyp tastalǧandary anyqtaldy. Olar iaǧni, jetım balalar, köpbalaly otbasylar, tolyq emes otbasylar. Barlyq kezekten şyǧarylǧan azamattardyŋ kezegın qalypqa keltıru boiynşa tiıstı şaralar qabyldandy. Memlekettık organdarǧa tiıstı ūsynymdar berıldı. Olardyŋ nätijesı boiynşa, ūsynymdardy oryndau boiynşa naqty şaralar qabyldandy»,– dep tüsındırdı Batys Qazaqstan oblysy boiynşa sybailas jemqorlyqqa qarsy qyzmettıŋ basqarma basşysynyŋ orynbasary Äliia Denizbaeva.Şeneunıkterdıŋ şarapatyna kenelıp, kezekten tys üi alǧan 169 adamnyŋ kım ekenı belgısız. Sybailas jemqorlyqqa qarsy qyzmettıŋ deregınşe, būl azdai päterge mūqtaj emes taǧy 247 adamǧa baspana berılıptı. Al oblysta 1800 jetımek ümıtın üzbei, üi kezegın kütıp jür. Olardyŋ nesıbesıne ortaqtasyp, üidı basqaǧa bergen şeneunıkter tek tärtıptık jazamen qūtyluy mümkın.
