Senat deputaty Nūrtöre Jüsıp jaqynda "İrina Qairatovna" tobymen bolǧan janjalǧa qatysty pıkır bıldırdı. Senator Qazaqstanda memlekettık rämızderdı qorlaǧany üşın jazany qataityp, öner adamdarynyŋ repertuaryna senzura qoiu kerek dep sanaidy, dep habarlaidy "Adyrna" ūlttyq portaly.
"orda.kz" saitynyŋ jazuynşa, senator ädepsız sözder aityp, jūrtşylyqty syilamaǧan, esırtkı men ışımdık ışken änşılerdı bes jylǧa deiın sahnaǧa şyǧarmaudy ūsyndy.
— Mädeniet ministrlıgı janynan repertuar alqasy men respublikalyq, oblystyq körkemdık keŋester qūru kerek. Būqaralyq mädeni şaralardy ötkızu talabyna halyqtyŋ salt-dästürı men ädet-ǧūrpyn saqtau jäne qūrmetteu erejelerın engızudı, osy talaptardy būzǧan şyǧarmaşylyq ūiymdardyŋ qyzmetın bes jylǧa şekteudı talap etemız. Deputattyq saualǧa jazbaşa jauap beruıŋızdı sūraimyz, - dedı Nūrtöre Jüsıp Premer-Ministr Älihan Smaiylovqa ötınış bıldırıp.Sondai-aq, ol "Mädeniet turaly" Zaŋǧa jekelegen şyǧarmaşylyq ökılderınıŋ mädeni-köpşılık şaralaryn ūiymdastyruşynyŋ halyq aldyndaǧy jauapkerşılıgın qamtamasyz etetın baptardy engızudı ūsyndy. Eske sala keteiık, Tudy qorlaǧan muzykanttar özderınıŋ qylyqtary üşın keşırım sūrap, aiyppūl tölegen bolatyn.
