– Referendum – elımızdegı maŋyzdy saiasi özgerıster üderısınıŋ bastamasy. Qazaqstanda demokratiiany ılgerıletu jūmystary üzdıksız jalǧasa beredı, – dedı Prezident.Qasym-Jomart Toqaev pen Zbignev Rau Ūiymnyŋ äskeri-saiasi, ekonomikalyq-ekologiialyq jäne gumanitarlyq baǧyttardaǧy yqpaldastyǧyn jan-jaqty talqylady. Qazaqstan Prezidentı Polşamen aradaǧy ekıjaqty yntymaqtastyq jönınde aita kele, osy eldı Ortalyq Europa aimaǧyndaǧy maŋyzdy serıktes retınde qarastyratynyn jetkızdı.
– 2021 jyldyŋ qorytyndysy boiynşa özara tauar ainalymy 12 paiyzǧa artyp, 760 million dollarǧa jettı. Özara sauda-sattyqty ūlǧaitu üşın mümkındıgımız mol, – dedı Qazaqstan köşbasşysy.Europadaǧy qauıpsızdık jäne yntymaqtastyq ūiymynyŋ qazırgı töraǧasy Prezident Qasym-Jomart Toqaevtyŋ basşylyǧymen jüzege asyrylyp jatqan auqymdy saiasi jäne ekonomikalyq reformalardy joǧary baǧalady.
– Menıŋ baǧalauym boiynşa, aldaǧy referendum Konstitusiiaǧa özgerıster engızu, halyqtyŋ äleumettık äl-auqatyn arttyru jäne naryqtyq reformalardy ılgerıletu jönındegı Sızdıŋ küş-jıgerıŋız tūrǧysynan ülken serpılıs sanalady. Aldaǧy referendum – oŋ özgerısterge jol aşatyn saiasi erık-jıgerdıŋ airyqşa belgısı. Sızdıŋ elıŋızdegı konstitusiialyq reformalar demokratiia, bostandyq jäne zaŋ üstemdıgı qaǧidattaryn nyǧaituǧa baǧyttalǧanyn atap ötkım keledı, – dedı poliak diplomaty.Zbignev Rau elımızdegı dıni qauymdastyqtar jäne azamattyq qoǧam ökılderımen ötkızgen kezdesulerı turaly mälımdedı. Sondai-aq ol ūltaralyq jäne konfessiiaaralyq kelısımnıŋ qazaqstandyq modelıne joǧary baǧa berıp, Qazaqstanda tūratyn poliak diasporasyna tūraqty qoldau körsetıp kele jatqany üşın Qasym-Jomart Toqaevqa rizaşylyǧyn bıldırdı.
"Adyrna" ūlttyq portaly
