Bügın Tarazda «Auyl» jastary özgerısterdı qalaidy» taqyrybynda jastar forumy öttı, dep habarlaidy “Adyrna” ūlttyq portaly.
Respublikalyq referendumdy nasihattau jäne tüsındıru maqsatynda ūiymdastyrylǧan jiynǧa partiianyŋ Jambyl oblysy boiynşa filialynyŋ töraǧasy Erbolat Sauryqov, jergılıktı jastar saiasaty mäselelerı basqarmasynyŋ ökılderı men belsendı jastar qatysty.
«El tarihyndaǧy eleulı oqiǧaǧa beijai qaramai belsendı qatysu – ärbır azamattyŋ basty boryşy. Sebebı būl – bügıngı Qazaqstannyŋ ǧana emes, keleşek ūrpaqtyŋ taǧdyryna tıkelei äser etetın maŋyzdy sät. Elımızdıŋ bolaşaǧy tıkelei osy referendumǧa bailanysty bolyp otyr. Sol sebeptı el üşın jany aşityn är azamat osy referendumǧa belsendı türde qatysady dep oilaimyn», - dedı forumnyŋ aşyluynda söz alǧan E.Sauryqov.
Elımızdıŋ memlekettık basqaru jüiesın özgertıp, saiasi ahualǧa jaŋa dem beretın Konstitusiialyq referendum – memlekettıŋ ärbır azamatyna ülken jauapkerşılık jüktep qana qoimai, aldaǧy künge maŋyzdy qadam jasauǧa jeteleidı.
Forumda student jastar Ata Zaŋǧa engızıletın özgerıster men tolyqtyrular jobasy boiynşa respublikalyq referendumdy qoldai otyryp, paiymdy pıkırı men oramdy oilaryn ortaǧa saldy. Konstitusiiaǧa engızıletın özgerıster men tolyqtyrular jaily, konstitusiialyq reformalardyŋ tūjyrymdamalyq negızderı men erekşelıkterı jäne reformalardyŋ negızgı baǧyttaryn tüsındıruge tyrysty.
Eldı basqaru ısıne halyqtyŋ qatysu mümkındıgın keŋeitu baǧyty boiynşa Halyqaralyq Taraz innovasiialyq institutynyŋ studentı, respublikalyq jastar biznes-startap jobasynyŋ jüldegerı Erasyl Berdı öz pıkırın jetkızdı.
Sondai-aq, partiia jastar qanatynyŋ belsendı müşesı, Dziudo jäne qazaq küresınen sport şeberıne ümıtker, Älem chempionatynyŋ jäne halyqaralyq turnirlerdıŋ jüldegerı Jansaia Yntyqbai da söz söiledı.
«Jaŋa Qazaqstanǧa» qadam basuda bärımız bır kısıdei jūmylsaq qana özımız qalaǧandai memleket qūra alamyz. Onyŋ jarqyn bolaşaǧy üşın jūdyryqtai jūmylyp eŋbek etu – ärbırımızdıŋ perzenttık boryşymyz», - dep oiyn qorytyndylady ol.
Al jastar ūiymdarynyŋ köşbasşysy qatarynda jürgen, respublikalyq ǧylymi jobalar jeŋımpazy Danabek Mūratov referendumda özgerıs engızu boiynşa basym dauys körsetkışı bolǧan jaǧdaida qandai özgerıster bolatyny jönınde keŋırek toqtaldy.
“Ata Zaŋymyz 30%-ǧa özgeredı. Iаǧni üşten bırı. Būl öte ülken özgerıster äkeledı degen söz. Onyŋ bastylarynyŋ bırı – jer men onyŋ bailyǧy tıkelei halyqqa tiesılı boluy, tabiǧi resurstar halyqtyŋ menşıgı retınde zaŋdyq tūrǧyda bekıtıluı, Prezident ökılettıgınıŋ özgeruı, mäjılıstegı deputattar sanynyŋ qysqaruy sekıldı maŋyzdy baǧyttar qamtylmaq. Būl Täuelsız Qazaqstan tarihynda alǧaş ret bolǧaly tūrǧan saiasi nauqan. Mūndai sätte eşkım de eldıŋ keleşegı üşın tys qalyp, syrt ainalmauy tiıs, - dep sözın tüiındedı.
Sondai-aq, jambyldyq «auyl» jastary elımızdıŋ barlyq azamattary men jastaryna ündeu joldap, belsendılık tanytatyndyqtaryn jetkızdı.
Jastar «Bız Jaŋa Ädıl Qazaqstandy bırge örkendetemız, bırge qūramyz!» ūranymen tarqasyp, jūrtşylyqty 5 mausym künı ötetın Referendumǧa dauys beruge şaqyrdy.
”Adyrna” ūlttyq portaly
