QR Parlamenti Senatynyń plenarlyq otyrysynda depýtat Dana Nurjigit áıelderdiń zeınet jasyn tómendetýdi usyndy, dep habarlaıdy "Adyrna" ulttyq portaly "orda.kz"-ke silteme jasap.
– 2015 jyly zeınetke shyǵý jasyn ózgertýge qatysty zań qabyldanǵan kezde Qazaqstandaǵy ortasha jas negizge alyndy. Ol kezde 73 jas edi. 2021 jyly bul kórsetkish 70 jas dep qabyldandy. BUU derekteri boıynsha Qazaqstanda 2022 jyly ómir súrý uzaqtyǵy – áıelder úshin 78 jas, erler úshin 70 jas. Alaıda, pandemııaǵa baılanysty bul kórsetkishter ózgerdi. Búgingi tańda qandaı boljamdar bar ekendigi týraly naqty aqparat joq, – dedi Dana Nurjigit depýtattyq saýalynda.
Onyń pikirinshe, kúmándi kórsetkishteri bar mundaı naqty emes málimetter áleýmettik mańyzdy zańdy qabyldaýǵa negiz bola almaıdy.
– Ulttyq statıstıka bıýrosynyń málimetteri boıynsha, 2020 jyly ólim-jitim 2019 jylmen salystyrǵanda 22% – ǵa ósti. Keıingi jyldary bul proess toqtaǵan joq. Osylaısha, álemdik boljamdarǵa negizdelgen 2015 jylǵy zeınetaqy reformasy Qazaqstandaǵy búgingi jaǵdaıǵa múldem sáıkes kelmeıdi. Jeti jyl buryn álemde qart adamdar sany artyp, eńbekke qabiletti adamdar sany azaıatyny aıtyldy. Alaıda, pandemııaǵa, áleýmettik-ekonomıkalyq daǵdarysqa baılanysty bul boljamdar durys emes, – dedi Dana Nurjigit.
Depýtat eger azamattar búgingi zeınetaqy zańnamasyna sáıkes 60-63 jasqa deıin jumys isteıtin bolsa, onda olar jumys oryndaryn bosatpaıtynyn aıtty. Bul jaǵdaıda jas urpaq úshin jumys oryndary bos bolmaıdy.
– Biz sońǵy ýaqytta Úkimet zeınetaqy salasynyń máselelerin qarastyryp jatqanyn jáne aýyr jumystarda isteıtin adamdar úshin zeınetaqy jasyn qaıta qaraıtynyn bilemiz. Meniń ar-ujdanym áıelderdiń zeınet jasyn ózgertý týraly tilekterin aıtpaýǵa múmkindik bermeıdi. Osy ótinishterge sáıkes áıelder úshin zeınet jasyn – 58 jas dep belgileýdi suraımyn. Eger áıel odan ári jumys isteýge daıyn bolsa, onda bul onyń erkine baılanysty, – dedi Dana Nurjigit.
"Adyrna" ulttyq portaly
