«Bekbolat ekeuıŋnen qūnyn alam». Svetqali Nūrjan Tazabekke arnau jazdy

Belgılı aqyn Svetqali Nūrjan äleumettık jelıdegı paraqşasynda Qazaqstanda  mausym künı ötken referendumǧa bailanysty jazǧan Mūhametjan Tazabektıŋ öleŋın synap jazdy, dep habarlaidy “Adyrna” ūlttyq portaly.

«Tömendegı betpaq şatqan şatpaq älem-jälemde “hit” bolyp jatyr eken. Näietı, osy adamnan azǧan päleketterge söz şyǧyndau auzyma qanşalyqty ylaiyq dep oilauǧa da bolar edı, bıraq būlardyŋ Otanymyzǧa salǧan 30 jyldyq ylaŋy jäne şeksız arsyzdyǧymen taǧy da qazaqty aqymaq körıp, aldamaq bolyp, söitıp är jer, är jerden jyltyŋdap körıngısı, jaǧynǧysy, taǧy sanatqa engısı, sapqa kırgısı kelıp tūratyn sūmpaiylyqtary jürektı ainytady! Al ainyǧan jürekten qai bır oŋǧan öleŋ şyqsyn?! Būl da sondai bır kep», - deidı Facebook jelısınde Ait-man Nūrjan degen atpen tırkelgen aqyn.

Būdan ary aqyn Tazabektıŋ ūiqasyna salyp, bırer jol öleŋ jazady. Öleŋınde änşı, eks-deputat, Türkiiadaǧy bükılälemdık etnosport federasiiasynyŋ bırınşı vise-prezidentı Bekbolat Tıleuhannyŋ da aty atalady. Aqyn būl ekeuın Qazaqstandaǧy dıni aǧym salafizm aǧymy üşın kınälapty. Jalpy, Svetqali Nūrjan Qazaqstanda 2000 jyldardyŋ basynda keŋ jaiylǧan taǧy bır dıni aǧym – sufizmnıŋ (sopylyq) beldı ökılı retınde jiı atalady. Ol osy aǧymnyŋ Qazaqstandaǧy negızın saluşy İsmatulla Maqsymnyŋ qasynan jiı körınıp qalady. Eske sala keteiık, 5 mausym künı Mūhametjan Tazabek Konstitusiiaǧa özgerıs engızu üşın ötken bükılhalyqty referendumǧa baryp, dauys bergenın öleŋmen jazyp, äleumettık jelıde synǧa ūşyraǧan. Ol qazır şetelde jür. El arasynda «osy aǧymnyŋ serkesı Qairat Satybaldy qamauǧa alynǧan soŋ, Tazabekter şetelde boi tasalap jür» degen boljam aitylady.

”Adyrna” ūlttyq portaly