Qostanaida 5 mausym künı oblys ortalyǧyndaǧy saunalardyŋ bırınde äkımşı qyzmetındegı äieldı keluşıler esınen tanǧanşa ūryp-soqqan, dep habarlaidy "Adyrna" ūlttyq portaly KTK arnasyna sılteme jasap.
Sol künı äiel qonaqtarǧa şektı uaqyttarynyŋ aiaqtalǧanyn eskertken.
“Olar saunaǧa tapsyrys berdı. Uaqyttary tausylǧan soŋ serıktesım baryp eskerttı. Bır aitty, ekı aitty. Üşınşısınde özım bardym. Olar menımen dörekı söilese bastady. Keiın men ekınşı janjaldy şeşu üşın ekınşı administratorǧa telefon soqtym. Sol kezde qasyndaǧy qyzdardyŋ bırı agressivtı bolyp, şu şyǧara bastaldy. Olar maǧan şabuyl jasady, men özımdı qorǧai bastadym. Men būl kısılerdı mülde tanymaitynmyn. Qazır mūrnym synyp, denemde gematomalar qaldy”, - deidı jäbırlenuşı.Äiel polisiiaǧa aryz jazǧan. Istı ılgerıletu üşın densaulyǧyna keltırılgen ziian turaly barlyq anyqtamalar men qūjattardy özı jinauda. Ol ekınşı soqqydan keiın jerge qūlap, esın joǧaltqan. Beinebaqylau kameralarynan alynǧan beinenı köru arqyly äiel oqiǧany esıne tüsırgen.
“Būndai jaǧdai ömırımde bırınşı ret. Men eşqaşan eşkımmen töbelespegem”, - dep qosty äiel.Äiel soŋyna deiın baramyn dep otyr. Ol auyryp qaluǧa uaqytynyŋ joq ekenın, üide kışkentai qyzy kütıp otyrǧanyn jäne küieuı jūmys ızdep jürgenın jetkızdı.
“Bız mındettı türde kömektesuge tyrysamyz. Qūqyqtyq kömek pen daǧdarys psihologynyŋ kömegın körsete alamyz”, - dedı äielder küşterı aliansynyŋ ökılı Rimma Bektūrǧanova."Adyrna" ūlttyq portaly.
