Nūr-Sūltanda keluşıler ulandy degen habarǧa bailanysty tamaqtanu oryndarynyŋ bırı tekserılıp jatyr. Būl turaly qalalyq Sanitarlyq-epidemiologiialyq baqylau departamentı mälımdedı, dep habarlaidy “Adyrna” ūlttyq portaly.
9-10 mausym künderı Nūr-Sūltan qalalyq Sanitarlyq-epidemiologiialyq baqylau departamentınıŋ aumaqtyq basqarmalaryna tamaqtan ulanu faktılerı tırkelgenı turaly qalalyq medisinalyq ūiymdardan şūǧyl habarlamalar tüsken. Barlyq nauqas qoǧamdyq tamaqtanu oryndarynyŋ bırınde tamaqtanǧanyn aitqan.
"Jappai tamaqtan ulanu faktılerınıŋ tırkeluıne bailanysty Baiqoŋyr audandyq Sanitarlyq-epidemiologiialyq baqylau basqarmasy Baiqoŋyr audanynyŋ Polisiia basqarmasyna aqparat joldady. Polisiia departamentı Qylmystyq kodekstıŋ 304-baby boiynşa sotaldy tergep-tekserudı bastady", - dedı vedomstvo ökılderı.10 mausymda qylmystyq ıs aiasynda qoǧamdyq tamaqtanu nysanynda jospardan tys tekseru bastalǧan. "Tekseru barysynda mynadai zaŋbūzuşylyqtar anyqtaldy:
- nysannyŋ mälımdelgen quatyna naqty säikes kelmeuı;
- barlyq tehnologiialyq prosess as üidıŋ bır bölmesınde jürgızıledı;
- seh boiynşa bölu (uchaskelerge bölu) közdelmegen;
- bölşekteu jabdyqtaryn taŋbalau, paidalanu jäne saqtau talaptary saqtalmaidy;
- daiyn azyq-tülık önımderın jäne azyq-tülık şikızatyn saqtau kezınde qajettı qaǧidat saqtalmaidy;
- qyzmetkerlerdı jūqpaly aurulardyŋ boluyna tekseru jurnaly joq.
“Tekseru kezınde zerthanalyq zertteu üşın jaǧyndylar, şikızat pen daiyn önımnıŋ ülgılerı taŋdaldy. Käsıporynnyŋ 15 qyzmetkerı patogen mikroflorany tasymaldauǧa tekserıldı. Nätije qaralyp jatyr", - dep tolyqtyrdy Sanitarlyq-epidemiologiialyq baqylau departamentı ökılderı.Sondai-aq, vedomstvo mälımetınşe, medisinalyq kömekke 64 nauqas jügınıp, onyŋ 52-sı auruhanaǧa jatqyzyldy, 12-sı ambulatorlyq em alǧan. Jospardan tys tekseruler men epidemiiaǧa qarsy şaralar jalǧasyp jatyr.
”Adyrna” ūlttyq portaly
Ūqsas jaŋalyqtar
