Qazaqstannyŋ densaulyq saqtau ministrlıgı äleumettık jelılerde taraǧan aqparattan keiın Almatydaǧy «Aiajan» jeke klinikasyna jospardan tys tekseru jürgızudı bastamaq, dep habarlaidy "Adyrna" ūlttyq portaly QazTAG-qa sıltep.
Vedomstvo medisinalyq anyqtamalar men jeke medisinalyq kıtapşalardy zaŋsyz beru derekterın tekseredı.
Ministrlıktıŋ baspasöz qyzmetınıŋ mälımetınşe, eger tekseru barysynda zaŋbūzuşylyqtar rastalsa, uäkılettı organdar öz qūzyretı şegınde tiıstı şaralar qabyldaidy.
Vedomstvo Qazaqstan Respublikasy Qylmystyq kodeksınıŋ 385-babyna säikes, jalǧan resmi qūjattardy qoldan jasau, daiyndau nemese ötkızu, sondai-aq olardyŋ jalǧan ekenın bıle tūra paidalanu qylmystyq jauapkerşılıkke äkeletının eske saldy.
Ministrlık medisinalyq qūjattar tek naqty jürgızılgen tekseruler men medisinalyq qarap-tekseru nätijelerı boiynşa belgılengen talaptarǧa sai berıluı kerektıgın atap öttı. Zaŋsyz anyqtama räsımdegendermen qatar, jalǧan qūjatty ädeiı satyp alǧan nemese paidalanǧan azamattar da jauapqa tartyluy mümkın.
Osyǧan bailanysty vedomstvo azamattardy medisinalyq negızsız anyqtama nemese eŋbekke uaqytşa jaramsyzdyq paraǧyn aluǧa kelıspeuge, klinikalardyŋ zaŋdy qyzmetın tekseruge jäne zaŋbūzuşylyqtar turaly qūzyrly organdarǧa habarlauǧa şaqyrdy.
Ministrlık medisinalyq qūjattardy räsımdeu üderısınıŋ aşyqtyǧyn arttyru jäne derekterdı baqylaudy küşeitu üşın sifrlyq qūraldar engızılıp jatqanyn habarlady.
Vedomstvonyŋ mälımetınşe, 2026 jyldyŋ basynan berı ministrlıktıŋ aqparattyq jüielerı arqyly 13,7 millionnan astam elektrondyq medisinalyq qūjat berılgen. Onyŋ ışınde uaqytşa eŋbekke jaramsyzdyq paraqtary men medisinalyq anyqtamalar, sondai-aq dispanserlık esepte tūruǧa qatysty qūjattar bar.
Auruhana paraǧyn aşu nemese ūzartu turaly aqparat jūmys beruşılerge hr.enbek.kz portaly arqyly qyzmetkerdıŋ kelısımımen ǧana joldanady. Al azamattar özderınıŋ eŋbekke uaqytşa jaramsyzdyq paraǧyna qatysty mälımetterdı Enbek HR mobildı qosymşasynan köre alady.
Ministrlık elektrondyq medisinalyq qūjattar medisinalyq tekserulerden ötu, uaqytşa eŋbekke jaramsyzdyqty räsımdeu, mügedektıktı belgıleu, jūmysqa ornalasu jäne basqa da medisinalyq-äkımşılık räsımder kezınde qoldanylatynyn atap öttı.
