Almaty qalasynyŋ mamandandyrylǧan audanaralyq äkımşılık soty būrynǧy dıni qyzmetker İakov Voronsovtyŋ qalalyq ädılet departamentı men Qazaqstannyŋ Ädılet ministrlıgıne qarsy bergen talap-aryzyn öndırıske qabyldady, dep habarlaidy "Adyrna" ūlttyq portaly QazTAG agenttıgıne sıltep.
Talapker memlekettık tırkeuden bas tartudy zaŋsyz dep tanudy, sondai-aq jauapkerlerdı dıni bırlestıktı tırkeuge mındetteudı sūrap otyr. Qūjattyŋ özge egjei-tegjeiı jariialanǧan joq.
Bırneşe jyl būryn Voronsov Qazaqstanda Orys pravoslav şırkeuınıŋ Mäskeu patriarhatyna baǧynbaityn derbes pravoslav şırkeuın qūruǧa ärekettengen. Ol Ädılet ministrlıgıne ekı ret qūjat tapsyrǧanymen, ekı märte de tırkeuden bas tartylǧan.
İakov Voronsov - Astana jäne Almaty eparhiiasynyŋ būrynǧy ieromonahy. Ol 2023 jyly Reseidıŋ Ukrainadaǧy äskeri äreketın jäne şırkeu basşylyǧyn synǧa alǧannan keiın köpşılıkke tanyldy. Äleumettık jelıdegı paraqşasynda ol şırkeulık qyzmetın toqtatatynyn mälımdep, Qazaqstanda missionerlık qyzmet jürgızudıŋ moraldyq negızı dekolonizasiia men dekommunizasiiadan bastaluy tiıs ekenın aitqan.
2024 jyly Voronsov qyzmetınen şettetılıp, dıni qyzmetker märtebesınen aiyryldy. Sonymen qatar oǧan Qazaqstan Respublikasy Qylmystyq kodeksınıŋ 141-baby boiynşa ıs qozǧalǧan. Keiın tergeu qylmys qūramynyŋ bolmauyna bailanysty toqtatylǧan.
