Şymkent - jastardyŋ, studentterdıŋ qalasy. Qaladaǧy 8 joǧary jäne 37 orta arnauly oqu ornynda 121 246 student bılım alyp jatyr.
Alaida studentterge arnalǧan 36 jataqhanada nebärı 10 679 oryn bar. Demek studentterdıŋ 8,8 paiyzy ǧana jataqhanadan oryn taba alady.
Jatahqana mäselesı jalpy elımızde özektı bolyp otyr. Osy jaǧdai eskerılıp, memleket jataqhana mäselesın qolǧa alyp, qarjylandyra bastady.
Memlekettık qoldaudyŋ arqasynda byltyr Şymkentte jalpy 1174 oryndyq 3 jataqhana salyndy.
Künı bügın, qala künı qarsaŋyndy Ä.Quatbekov atyndaǧy Halyqtar dostyǧy universitetınıŋ janynan 290 tösekorny bar jataqhana aşyldy.Student kezımde jataqhanada tūrǧan adam retınde aitaiyn, bügın aşqan jaidyŋ aty jataqhana bolmasa, qūddy bır qonaqüi siiaqty. Är qabatta ashana, kiım juatyn bölme, sportzal, är seksiiada äjethana men duş, bırınşı qabatta medisina bölmesı. Kezınde jatahqanada öz bölmemızde tamaq ta ısteitınbız, kiım de juatynbyz, sabaq ta daiyndaitynbyz. Quyqtai bölmede qonaq ta kütetınbız. Auyldan kelgen aǧaiyn da tünep ketetın. Menıŋ jeke oiymşa, jatahqanada tūratyn studentter tez äleumettenedı, ömırdıŋ mektep üiretpegen zaŋdylyqtaryn tez üirenedı, emosiialyq zerdesı dami tüsedı, jeke ömırge tez beiımdeledı. Ne kerek, studentterge jatahqanada tūryp, atalǧan artyqşylyqtardy bastan ötkeru üşın jyl soŋyna deiın taǧy da bırneşe jataqhana aşudy josparlap otyrmyz.
Şyŋǧys MŪQAN
instagram paraqşasynan
