Q.Toqaev Ūlttyq qūryltai otyrysynda Jaŋa Qazaqstandy qūru men qalyptastyru jaiynda pıkırın bıldırdı, dep habarlaidy “Adyrna” ūlttyq portaly.
«Jaŋa Qazaqstan bır künde nemese bır jylda qūrylmaityny anyq. Būl – bükıl qoǧamdy özgertetın kürdelı ärı ūzaq üderıs. Mūny jüzege asyru üşın bır ǧana bilık äreket etse, būl, ärine, jetkılıksız. Bükıl el bolyp jūmylsaq, közdegen maqsatymyzǧa jetemız. Sol sebeptı, men Joldauymda Ūlttyq qūryltai şaqyru turaly bastama köterdım. Qūryltai şaqyru erteden kele jatqan ata dästürımız ekenın jaqsy bılesızder. Babalarymyz maŋyzdy mäselelerdı osyndai alqaly jiynda talqylaǧan. Halyq özara aqyldasa otyryp, bır toqtamǧa kelgen. Mūndai şeşımder bükıl eldı bırıktırgen. Töl tarihymyzda ūlt taǧdyryn şeşken qūryltailar bolǧan. Onyŋ köbı halqymyz üşın maŋyzdy kezeŋde ötkızılgen. Talas qūryltaiynan keiın Altyn Orda derbes memleket boldy. Qaraqūm jäne Ordabasy qūryltailary jūrtymyzdy el qorǧauǧa ūiystyrdy. Orynbordaǧy bırınşı qazaq qūryltaiynda Alaş partiiasy qūryldy. Ekınşı qūryltaida Alaş avtonomiiasy jariialandy»-dedı Q.Toqaev.”Adyrna” ūlttyq portaly
