Ystambūl qalasynda Ukraina men Resei delegasiialary arasynda soǧysty toqtatu jönındegı kelıssözderdıŋ üşınşı kezeŋı öttı, dep habarlaidy "Adyrna" ūlttyq portaly.
Nätijesız kezdesu ūzaqqa sozylmady.
Kelıssözder şamamen bır saǧatqa da jetpei aiaqtalǧan. Kelıssözden keiın jurnalisterge mälımdeme jasaǧan Ukraina delegasiiasynyŋ jetekşısı Rustem Umerov Kievtıŋ tamyz aiynyŋ soŋyna deiın Ukraina prezidentı Vladimir Zelenskii men Resei prezidentı Vladimir Putinnıŋ jeke kezdesuın ūiymdastyrudy ūsynǧanyn jetkızdı.
Alaida Resei tarapy äzırge mūndai kezdesu ötkızuge kelısım bergen joq. Tıptı Resei prezidentı Vladimir Putin būǧan deiın Ukraina basşysy Zelenskiidı zaŋdy prezident retınde moiyndamaitynyn mälımdegen bolatyn.
Sondai-aq Rustem Umerov Ukraina jaǧy naqty ärı dereu atysty toqtatu rejimıne müddelı ekenın, jäne oǧan daiyn ekenın taǧy da qaitalady.
Resei delegasiiasyn basqaryp barǧan Vladimir Medinskii kelıssözden keiın baspasözge bergen sūhbatynda qos tarap kemınde 1200 äskeri tūtqyndy bır-bırımen almastyruǧa kelıskenın habarlady.
