Ábilhan Qasteev atyndaǵy Memlekettik óner mýzeıinde 12 maýsym kúni saǵat 16.00-de Parıj qalasynda turatyn Berlın Irıshevtiń jeke kollekııasynan «Dıor mýzasynyń portreti» atty bir ǵana týyndynyń kórmesi ótedi, dep habarlaıdy kazmuseum.kz saıty. 
Portretti Leon Zeytline esimdi sýretshi salǵan. Sýretshi 1908 jyly Máskeý keskindeme ýchılıesin támamdap, 1909 jyly Franııaǵa qonys aýdarady. Sýretshi, ásirese sol kezeńdegi sánge erekshe mán beredi. Sýretshige 2017 jyly Fournaise mýzeıinde ótken belgisiz kollekıonerdiń Bons Baisers de Paris kórmesi úlken tanymaldylyq alyp keldi. Osy kórmeden keıin, sýretshiniń týyndylarynyń baǵasy óse bastaıdy.
1950- jyldarda sýretshi óziniń jumystarynyń birinde Krıstıan Dıordyń súıikti mýzasyn – aty ańyzǵa aınalǵan model Alla Ilchýndy beıneleıdi. Bizdiń otandasymyzdyń Franııadaǵy oqıǵasy biz oılaǵandaı sátti bastalǵan joq. Jas Alla Parıjge kóshkende franýz meıramhanasynda ydys jýýshy bolyp júrip kúnin kóredi. Daryndy, keıinnen ataqty kýtıýre Krıstıan Dıormen kezdesý múmkindigi kezdeısoq bolady, Allanyń qurbysy ony kıim ólsheý bólmesinde almastyrýyn ótingennen bastalǵan edi. Dıor qyzdy esinde saqtap, ony «meıirimdi ári jumbaq jan» retinde sıpattaıdy. Kýtıýreniń atelesi jas sulýdy jumysqa shaqyrǵanda endi ǵana tanymal bola bastaǵan edi. Ol Allany óziniń basty, sáttilik ákeletin mýzasy dep ataıdy. Alla áriptesteri men ózinen keıingilerge «mysyqkóz» úlgisi beınesin jasaı aldy. Sonyń arqasynda álem búgingi kúni kózdi syzyqpen boıaýdyń ataqty árleýin tanı bildi. Mýza tek shyǵystyq shyǵý tegine ǵana emes, qypsha beliniń arqasynda ataqty boldy. Óziniń mansaby jolynda onyń qypsha beli 47-den 49 sm-ge deıin ǵana ózgerdi, osy arqyly qypsha beldiń sádi ekenin nasıhattady.
Óziniń qabiletiniń arqasynda Alla Ilchýnniń belgili sánpaz bolýy tez boldy. 50 – jyldary qazaq qyzy franýzdyq estrada jáne kıno juldyzdaryna kópshilik qaýym arasyna qandaı kıimder kıip shyǵýdy aıtyp otyrdy. Allanyń keshki kórsetilimde kórsetken kóılekteri ertesine sán úlgisin shyǵarýshylary men kerbezdiktiń úlgisi bolǵan Marlen Dıtrıh, Edıt Pıaf sııaqty belgili hanymdarǵa jóneltilip otyrdy.
20 – jyl boıy kýtıýreniń basty mýzasy bolyp qalý ózgelerdeı emes, Allanyń qolynan keldi. Dıordyń izbasary Iv Sen Loranda osyndaı pikirde bolyp, Allamen Dıordyń óliminen keıin kelesi 10 jylda yntymaqtastyqty jalǵastyrdy.
Bul jaı ǵana shyǵarma emes, Parıjde óz qabileti men darynyn tabysty tanyta bilgen otandasymyzdyń oqıǵasy týraly bútin bir dáýir. Atalmysh týyndynyń otandasymyzdyń qolyna tıip, «Alla Ilchýnniń» týǵan otanyna qaıtarylýy qazaqstandyqtar úshin mańyzdy oqıǵa bolyp tabylady.
Aqbota ISLÁMBEK,
"Aıqyn" gazeti
