Jambyl oblysy tötenşe jaǧdailar departamentınde lauazymdy qyzmet atqarǧan Mansūr Şaikramov Baizaq audanyndaǧy äskeri bölımdegı jarylystan köz jūmǧan ärıptesterınıŋ ölımıne kınälı dep aiyptaluda. Osyǧan bailanysty ol memleket basşysy Qasym-Jomart Toqaevtan kömek sūrap otyr, dep habarlaidy «Adyrna» tılşısı KTK telearnasyna sılteme jasap.
"Ol oqys oqiǧa kezınde özınıŋ azamattyq mındetın oryndady. Eldımekenge tılsız jaudyŋ tarap ketuıne jol bermedı. Barlyq küş sol äskeri bölımge jūmyldyryldy. Endı sol jerde qaza tapqan ärıptesterınıŋ ölımıne būl azamatty aiypty etıp şyǧaru būl aqylǧa qonymsyz", - deidı Mansūr Şaikramovtyŋ tuysy Ahmat Dadaev.Eske salsaq, byltyr Baizaq audanyndaǧy äskeri bölımde joiqyn jaralys bolyp, 17 adam ajal qūşqan edı. Qaza tapqandardyŋ ony tötenşe jaǧdailar qyzmetkerı. Osy azamattarǧa sol kezde basşylyq etken Mansūr Şaikramov endı ärıptesterınıŋ ölımıne kınälı dep küdıkke ılıngen. Äskeri tergeu basqarmasy salǧyrttyq baby boiynşa ıs qozǧap, tergeu bastaǧan. Küdıktı azamat özın kınälımın dep eseptemeidı. Qazır ol qyzmetınen bosatylyp, emın jalǧastyruda. Öitkenı Mansūr Şaikramov äskeri qoimadaǧy örttı auyzdyqtau kezınde köptegen jaraqat alǧan. Al äskeri tergeu basqarmasy būl ıstıŋ män-jaiy jariialauǧa jatpaidy degen jeleumen tolyq aqparat bermedı. Tek oq-därı saqtau qoimasyndaǧy oqys oqiǧa boiynşa älı tergeudıŋ aiaqtalmaǧanyn mälımdedı.
