Türkıstan oblysynda 8 jasar qyzdy ögei äkesı zorlaǧan. Därıgerler balanyŋ ömırın aman saqtap qalu üşın, onyŋ jatyryn alyp tastauǧa mäjbür bolypty, dep habarlaidy «Adyrna» tılşısı «Astana» arnasyna sılteme jasap.
Qyzdyŋ anasy sūmdyq jaǧdaidyŋ 23-şı aqpan künı bolǧanyn mälımdedı. Onyŋ auruhanaǧa ketken sätın paidalanǧan küieuı körşı auyldaǧy baǧyp jürgen malyn tastap, üige jetken körınedı. Osylaişa 3-synypta oqityn qyzdy zorlaǧan. Keiın köp qan joǧaltqan kışkentai qyzdy mektepke jıbergen.
«Bastapqyda «qūlap qaldy» dep syltauratqanmen, artynşa keşırım sūrap moiyndady. Endı «esımdı bılmeimın» dep basqaşa söilep otyr. Mamaŋa aitsaŋ, senı tūnşyqtyryp öltıremın, mamaŋdy öltıremın de, özıŋdı balalar üiıne ötkızıp jıberemın dep qorqytqan. Älı künge deiın şoşyp oianady. Qyzymnyŋ ana bolu mümkındıgınen airylǧanyn jaqynda ǧana sotta estıdım»,– deidı zardap şeguşınıŋ anasy.Aituynşa, 8 jasar qyzǧa ekı ret operasiia jasalǧan. Tık ışegın bırneşe jerden tıkken därıgerler aqyry jatyryn alyp tastauǧa mäjbür bolǧan. Şymkenttegı arnaiy ortalyq direktory Malika Jüsıpova örımdei qyzdardyŋ ömırın talqandaityn jaǧdai tym jiılep ketkenın aitady. Pedofilderge berıletın jazany qataitu kerek dep dabyl qaǧyp otyr.
«Būl degen sūmdyq jaǧdai ǧoi. Ömırlık sottalu kerek. Ol auru ǧoi, auru qaitalanady. 20 jylǧa sottaldy degen, ol pedofilizmge az uaqyt», - deidı ortalyq direktory Malika Jüsıpova.8 jasar Äselmen qazır psiholog mamandar jūmys ıstep jatyr. Äzırge bolaşaǧyna balta şabylǧanyn qyzym bılmeidı, erteŋ boijetkende taǧdyry qalai bolady dep eŋıreidı şarasyz ana. Üşınşı synypty üzdık aiaqtaǧan Äseldıŋ armany köp-aq...
