Almaty prokuraturasy säbi satu turaly qylmystyq ıs tergeuınıŋ kei män-jailaryn aitty, dep habarlaidy “Adyrna” ūlttyq portaly KTK telearnasyna sılteme jasap.
Elımızde säbi saudalaityn şeteldık sait jūmys ıstep tūrǧan. 21 men 25 jastaǧy almatylyq ekı kelınşek jaŋa tuǧan närestesın satyp ülgergen. Prokuratura däl osyndai 50-ge juyq habarlandyru anyqtalǧan internet resurstyŋ jūmysyn toqtatyp, qazır qylmystyq topty ızdestırıp jatyr.
Saitta säbiınen bas tartqandarmen qosa, asyrap alǧysy keletın kelınşekterdıŋ de ötınışterı qaptap jür. Degenmen qūzyrly oryndardyŋ qūryǧyna ılıkken jelı qyzmetkerlerı ızın jasyru üşın paraqşalaryn öşırıp ülgergen. Zaŋsyz äreketke barǧandardyŋ ısı endı sotta qaralmaq.
Anyqtalǧandai sait 2013 jyly tırkelıptı. Bıraq elımızde jūmys jürgızgenıne jarty jyl ǧana bolǧan. Sonyŋ özınde jasyryn äreketın sättı jürgızıptı. Saudaǧa tüskenderdıŋ denı – 1 jasqa deiıngı balalar. Al öz närestesınen jerıp, saudaǧa salǧandar – 20 ben 35 jas aralyǧyndaǧy äielder. Qolǧa tüsken ekı kelınşektıŋ bırı Almaty qalasynan bolsa, ekınşısı Türkıstan oblysynyŋ tumasy eken.
«Bırınşısı säbidı basqa ataanalardyŋ qolyna berılgen faktısı anyqtaldy. Ekınşı faktı boiynşa düniege äkelgen ana balany basqa ata-anaǧa beruden bas tartty. Ony öz ata-anasy baǧyp qaraityn boldy. Qazırgı taŋda Alatau audany boiynşa säbilerdı satu ia bolmasa satyp alu faktılerı anyqtalǧan jelı anyqtalǧan bolatyn. Bızdıŋ ūsynysymyz tolyǧymen qanaǧattandyryldy. Qazırgı taŋda ol sait toqtatyldy», - dedı Alatau audanynyŋ prokurory Izbasar Masaqbaev.
”Adyrna” ūlttyq portaly
