Oral qalasyndaǵy oblystyq perınataldyq ortalyqta úshem dúnıege keldi. Bul týraly inform.kz habarlady, dep jazady "Adyrna" ulttyq portaly.
Aqmaral Jumazova 30 maýsym kúni úsh qyz tapty. Kópbalaly otbasy Batys Qazaqstan oblysy, Jánibek aýdany, Jánibek aýylynda turady. Úshemniń ákesi Eldos Bazarbaıulynyń aıtýynsha, olardyń budan buryn bir ul, bir qyzy bar eken. Endi, mine, Aqmaral ekeýi bes balanyń ata-anasy atandy. Qazirgi kezde Aqmaral men qyzdary dárigerlerdiń baqylaýynda. Ámına, Rámına, Mádına atanǵan sábılerdiń salmaǵy 2600, 2400 jáne 1900 gramm.
«Ómirge sábı ákelý ońaı emes. Áıteýir bári oıdaǵydaı bolǵanyna qýanyshtymyz. Endi balalarymyz aman-esen ósip ketse, biz úshin sol baqyt», deıdi Eldos Bazarbaıuly.
Úshemniń ákesi Eldos Bazarbaıuly aýdandyq mektepten tys jumystar ortalyǵynda ustazdyq etýmen birge qolónermen de aınalysady. Astaý, besik, dombyra jasaýdyń has sheberi. Úshemniń anasy Aqmaral Talǵatqyzy 1-mektep-lıeıde fızıka páninen dáris beredi.
"Adyrna" ulttyq portaly
