Oral qalasyndaǧy oblystyq perinataldyq ortalyqta üşem düniege keldı. Būl turaly inform.kz habarlady, dep jazady "Adyrna" ūlttyq portaly.
Aqmaral Jūmazova 30 mausym künı üş qyz tapty. Köpbalaly otbasy Batys Qazaqstan oblysy, Jänıbek audany, Jänıbek auylynda tūrady. Üşemnıŋ äkesı Eldos Bazarbaiūlynyŋ aituynşa, olardyŋ būdan būryn bır ūl, bır qyzy bar eken. Endı, mıne, Aqmaral ekeuı bes balanyŋ ata-anasy atandy. Qazırgı kezde Aqmaral men qyzdary därıgerlerdıŋ baqylauynda. Ämina, Rämina, Mädina atanǧan säbilerdıŋ salmaǧy 2600, 2400 jäne 1900 gramm.
«Ömırge säbi äkelu oŋai emes. Äiteuır bärı oidaǧydai bolǧanyna quanyştymyz. Endı balalarymyz aman-esen ösıp ketse, bız üşın sol baqyt», deidı Eldos Bazarbaiūly.Üşemnıŋ äkesı Eldos Bazarbaiūly audandyq mektepten tys jūmystar ortalyǧynda ūstazdyq etumen bırge qolönermen de ainalysady. Astau, besık, dombyra jasaudyŋ has şeberı. Üşemnıŋ anasy Aqmaral Talǧatqyzy 1-mektep-liseide fizika pänınen därıs beredı.
"Adyrna" ūlttyq portaly
