"Reseidıŋ Federaldyq qauıpsızdık qyzmetı (FSB) Ukrainany «basyp alǧannan» keiın elde jalǧan äkımşılıkter qūrudy josparlaǧan. Olardy Ukrainadan äldeqaşan qaşyp ketken aimaq partiialarynyŋ būrynǧy funksionerlerı, sondai-aq tyiym salynǧan "Oppozisionnaia platforma za jizn" partiiasynyŋ ökılderı "basqaruy" kerek edı". Būl turaly Ukraina qauıpsızdık qyzmetınıŋ spikerı Artem Dehtiarenko "Glavkom" basylymyna bergen sūhbatynda aitty, dep jazady "Adyrna" ūlttyq portaly.
Dehtiarenko būrynǧy saiasatkerler Resei äskerlerınıŋ qoldauyna süienıp, bilıkke qaita oralǧysy keletının atap öttı. Onyŋ aituynşa, aqpan aiynda Reseidıŋ Ukrainaǧa jappai basyp kıruı qarsaŋynda olar Resei men Belarustıŋ şekaralas aimaqtaryna ötıp, olardyŋ bırazy Qyrymda bolǧan.
Ol sondai-aq Ukrainada bilık qūrudy armandaǧan Kreml qolbasşylarynyŋ esımderın atady. Äŋgıme būrynǧy Qorǧanys ministrı Pavel Lebedev, Qauıpsızdık Keŋesınıŋ būrynǧy basşysy Aleksandr Iаkimenko, būrynǧy Işkı ıster ministrı Vitalii Zaharchenko, ŪQK hatşysynyŋ būrynǧy orynbasary Vladimir Sivkovich, Prezident Äkımşılıgınıŋ būrynǧy basşysy Andrei Kliuev turaly bolyp otyr.
«Būl adamdar osy uaqytqa deiın belgılı bır şeşımderdıŋ qabyldanuyna äser etıp, būrynǧy qol astyndaǧy qyzmetkerlerımen bailanysta bolu arqyly eŋ qūpiia aqparatqa qol jetkızıp otyrdy», - dep atap öttı Ukraina qauıpsızdık qyzmetınıŋ spikerı.Dehtiarenkonyŋ aituynşa, Sivkovich pen Kliuev Mäskeude FSB baqylauynda jūmys ısteitın «saiasi keŋse» qūrǧanyn atap öttı. Olardyŋ Ukraina saiasatyndaǧy bailanystary älı de keŋ jäne olar FSB-ǧa Ukraina azamattarynyŋ qaisysyn basqynşylyq qūrylymyna jūmysqa alyp, paidalanuǧa bolatyny turaly ūsynystar berıp otyr.
"Adyrna" ūlttyq portaly
