Qaraqalpaqstanda zaŋsyz demonstrasiiany toqtatu üşın qūqyq qorǧau küşterı jūmyldyryldy. Būl turaly Özbekstannyŋ Işkı ıster ministrlıgı mälımdedı, dep habarlaidy «Adyrna» tılşısı.
«Qaraqalpaqstan azamattary Nükıs qalasynda şeru jasap, odan keiın ortalyq bazar aumaǧyna jinalyp, zaŋsyz şeru ūiymdastyrǧan. Būl «respublikada jürgızılgen konstitusiialyq reformalardy dūrys tüsındırmeudıŋ nätijesınde» boldy. Qazır qoǧamdyq tärtıp qalpyna keltırıldı»,– dep tüsındırdı vedomstvo.«Özbekstan Respublikasynyŋ Konstitusiiasyna özgertuler men tolyqtyrular engızu turaly» zaŋ jobasy 25 mausymda parlamenttık basylymdarda jalpyhalyqtyq talqylau üşın jariialandy. Parlament şeşımıne säikes, jobany talqylau 5 şıldege deiın jalǧasady. Odan keiın zaŋ jobasy referendumǧa şyǧarylmaq. Zaŋ jobasynda Konstitusiianyŋ 64 babyna 200-den astam özgertu engızu közdelgen. Olardyŋ qatarynda Özbekstan prezidentınıŋ ökılettıgın bes jyldan jetı jylǧa deiın ūzartu, ölım jazasyna tyiym salu, el azamatyn şet memleketke ekstradisiialauǧa tyiym salu turaly tarmaqtar bar.
