Memleket basshysy Qasym-Jomart Toqaev pen Ózbekstan Prezıdenti Shavkat Mırzııoev telefon arqyly sóılesý barysynda ekijaqty jáne óńirlik kún tártibindegi máselelerdi talqylady, dep habarlaıdy "Adyrna" uttyq portaly Qazaqstan Respýblıkasynyń prezıdentiniń resmı saıtyna silteme jasap.
Qazaqstan Prezıdenti Ózbekstan basshylyǵynyń Qaraqalpaqstandaǵy turaqtylyqty qamtamasyz etý jónindegi sheshimi ýaqytyly qabyldanǵanyn atap ótti.
Qasym-Jomart Toqaev Shavkat Mırzııoevtiń Konstıtýııaǵa ózgerister engizý jónindegi referendýmdy sátti ótkizýine tilektestik bildirip, bul oqıǵa baýyrlas Ózbekstandy jańǵyrtýǵa baǵyttalǵan aýqymdy saıası jáne áleýmettik-ekonomıkalyq baǵdarlamalardy júzege asyrý úshin mańyzdy qadam bolatynyn atap ótti.
Sonymen qatar eki el basshylary Qyrǵyzstanda ótetin Ortalyq Azııa memleketteri kóshbasshylarynyń aldaǵy konsýltatıvtik kezdesýiniń kún tártibin talqylady.
