Parmigiano Group meıramhanalar jelisiniń negizin qalaýshy, Esentai City jobasynyń avtory Almas Ábdiǵapparov 7 jylǵa bas bostandyǵynan aıyryldy, dep jazady "Adyrna" ulttyq portaly.
Medeý aýdandyq №2 sotynda belgili kásipker Almas Ábdiǵapparovqa qatysty sot úkimi shyqty. Ol Esentai City elıtalyq turǵyn úı keshenindegi tórt vıllany satyp alýshynyń 1 mıllıon dollaryn jymqyrdy dep aıyptaldy (salýshy – «AV-Construction» JShS).
"Almas Altaıuly Ábdiǵapparovty QR QK 189-baby 4 - bóligi 2-tarmaǵy (asa iri mólsherde senip tapsyrylǵan bóten múlikti ıemdený nemese ysyrap etý) boıynsha kináli dep tanylsyn jáne oǵan ortasha qaýipsiz qylmystyq-atqarý júıesi mekemesinde jazasyn óteı otyryp, jeti jyl bas bostandyǵynan aıyrý túrindegi jaza taǵaıyndalsyn", - dep úkim shyǵardy sýdıa Tursynhan Salıkov.
Sondaı-aq, sot jábirlenýshilerdiń talap aryzyn tolyq kólemde qanaǵattandyryp, Ábdiǵapparovtan 418 mln teńge óndirip aldy.
"Adyrna" ulttyq portaly
