Memleket basşysy Europa odaǧynyŋ prezidentı Şarl Mişelmen kelıssözder barysynda EO-ny basty serıktes dep atap, sauda ainalymyn arttyru jaiyn talqylady. Osylaişa, Toqaev ıs jüzınde Reseimen bırge «Batysqa qarsy ekonomikalyq soǧysqa» qatysudan taǧy da bas tartty, dep jazady "Adyrna" ūlttyq portaly.
Toqaev Europa odaǧynyŋ prezidentımen öŋırdegı jaǧdaidy jäne azyq-tülık daǧdarysynyŋ kürdelene tüskenın talqylady.
"Qasym-Jomart Toqaev Qazaqstannyŋ eŋ ırı sauda serıktesı sanalatyn Europa odaǧymen ornyqty bailanysty damytuǧa beiıldı ekenıne nazar audardy",- delıngen resmi habarlamada.Prezident sondai-aq halyqaralyq ahualdy jaqsartu, eŋ özektı degen mäseleler boiynşa senımdı dialog ornatu üşın küş bırıktırudıŋ maŋyzdy ekenın mälımdedı.
"Būdan bölek Qasym-Jomart Toqaev Europa odaǧyn balama transqūrlyqtyq dälızderdı, sonyŋ ışınde Transkaspii halyqaralyq kölık baǧytyn damytu ısınde yntymaqtastyq ornatuǧa şaqyrdy. Prezident älemdegı energetikalyq qauıpsızdıkke tönetın qaterge alaŋdaitynyn jetkızdı. Onyŋ aituynşa, Qazaqstan älem jäne Europa naryǧyndaǧy ahualdy tūraqtandyru üşın özınıŋ kömırsutegı äleuetın paidalanuǧa daiyn", - delıngen Aqordanyŋ baspasöz habarlamasynda.
"Adyrna" ūlttyq portaly
