Qazaqstan mūnaiynyŋ 80%-y KTK mūnai qūbyry arqyly eksportqa şyǧady. Al Resei soty qūjattyq zaŋ būzuşylyqtar üşın «KTK-R» kompaniiasynyŋ qyzmetın 30 täulıkke toqtatqan bolatyn. Būl qoǧam belsendılerınıŋ aşuyn tuǧyzdy. Solardyŋ bırı täuelsız jurnalist Oŋǧar Qabden Telegram arnasyna KTK qūbyry turaly oqiǧaǧa bailanysty pıkırın bıldırdı, dep habardaidy “Adyrna” ūlttyq portaly.
“Osy arqyly Qazaqstan aiyna 500 million dollar tabys tabatyn. Reseilıkter bızdı osy jep otyrǧan nanymyzdan aiyrdy. Onymen qoimai kölgırsıp ana Lavrov degenderı Qazaqstan bızdıŋ eŋ jaqyn dosymyz deitınderın qaitersıŋ.
Būndai dostyŋ barynan joǧy. KTK qūbyry būl bızdıŋ jandy jerımız. Sodan bolar bügıngı jinalysta Toqaev basty baǧyt – Transkaspii baǧyty deptı.
Jaqynda ǧana Toqaevtyŋ İranǧa sapar şegıp, artynan türkımenge taban tırep Arkadagty ordenmen marapattap qaitqanyn eskersek bolaşaqta bızdıŋ mūnaidyŋ qūbyry Äzırbaijan,
Türkımenstan men İran baǧytyna būrylatyn siiaqty”,-dep jazdy Oŋǧar Qabden.
Sondai-aq, Toqaevtyŋ Teŋız jobasyna investorlar tartu mümkındıgı turaly oiyna da pıkırın qosa kettı.
Baǧana ǧana "Qazmūnaigazǧa" realizasiiany dūrystap jürgızıŋder, Teŋız jobasyna investorlar tartu mümkındıgı bar degen sözı orystardyŋ töbe şaşyn tık tūrǧyzdy. Būl degen söz bız Resei baǧytyndaǧy qūbyrdy kerek etpei basqa jaqtan qūbyr tartamyz degen namek. Resei qit etse krainikty jabamyz dep, ainalasyn da, Europany da mezı qylyp edı. Endı tezırek investor kelıp, Transkaspii jobasyn ıske asyrsaq eken. Eşkımge jaltaqtamai öz mūnaiymyzǧa özımız ege bolar edık. Batystaǧy jūmys ızdegen aǧaiynnyŋ jūmyssyzdyq mäselesı de şeşımın tabar edı.
Körıngen it pen bitke qor bolǧan qazaqtyŋ mūnaiy-ai”, - dedı ol.
“Adyrna” ūlttyq portaly
