Zämzägül Şärıpqyzy soŋǧy ret sahnaǧa şyqty

Bala kezımde äkem ǧalym Äsılhan Ospanūly ekeuımız Şymkenttegı teatrǧa baryp "Köktöbedegı kezdesu" qoiylymyn tamaşaladyq. Almatynyŋ Mūhtar Äuezūly atyndaǧy teatrynyŋ ataqty artisterın köru men üşın bır keremet oqiǧa boldy. Sonda mūǧalım keiıpkerdı oinap jatqan Änuar Moldabek, mūǧalima keiıpkerdı oinaǧan Zämzägülge özınıŋ jas kezındegı syryn aitady: Sen ädemı edıŋ, qasyŋda köp jıgıtter bar. Men sonda saǧan bır staqan limonad alyp bermek boldym. Bıraq bata almadym, dedidı. Esımde qalǧany, būl auadanda ma, qalada ma bolǧan bır jiylysta bolǧan eken. Sonda Zämzägül: Nege jaqyndamadyŋ, nege bır limonad äpermedıŋ, dep özınıŋ sol kezde Änuar mūǧalımdı ūnatatynyn jaiyp salady. Sodan soŋ sahnanyŋ şetıne kelıp, körermenderge qarag ekı qolyn jaiyp: Bır-aq staqan limonad, bır-aq staqan limonad... dep ökıne aitqanda teatrda otyrǧan körermennıŋ bärı bırdei Zämzägülmen bırge ökıngendei edı... Sondaǧy tau jarylǧandai qol şapalaqtaular älı qūlaǧymnan ketpeidı. Bügın Mūhtar Äuezūly atyndaǧy teatrda Zämzägül Şärıp soŋǧy ret sahnaǧa şyqty... Ūly öner iesın baqilyq saparǧa şyǧaryp saluǧa kelgen adamdardyŋ bärının jüzınde ülken qimastyq belgısı tūrdy. Tabiǧat ta qaiǧydan bulyǧyp közınen jas tamşylap tūrdy...

Ömırbaiany

Zämzägül Nüsıpbaiqyzy Şärıpova (1931 jyly 31 tamyzda Almaty oblysy Jambyl audanynda tuǧan) — körnektı teatr aktrisasy. Qazaq KSRnıŋ xalyq artisı (1966). Otan, Qūrmet belgısı jäne Halyqtar dostyǧy ordenderınıŋ iegerı. QR memlekettık stependiiasynyŋ laureaty.1948 jyly Almaty teatr uchilişesın bıtırdı. Sol jyldan bastap "Qazaqfilm" studiiasynda jäne Qazaq radiosynda qyzmet etıp, dubliaj ben radioqoiylymdarǧa qatysty. 1953j. M.Äuezov teatrynyŋ akterlık qūramyna qabyldandy. Sol uaqyttan berı üzılıssız osy teatrda qyzmet etetın, akterlık diapazony keŋ aktrisa ūlttyq dramaturgiia ben düniejüzılık klassikadan san qyrly 100-den asa beine somdady.

Teatrde oinaǧan rolderı

Qazaq memlekettık akademiia drama teatryda alǧaş oinaǧan rölderınıŋ bırı — Ä.Äbışevtıŋ “Kım menıŋ äkem?” atty dramasyndaǧy Laǧyl (1957). Būdan keiın Aqtoqty (Ǧ.Müsırepov, “Aqan Serı - Aqtoqty”), Aiman (M.Äuezov, "Aiman - Şolpan"), Aijan (S.Mūqanov, "Şoqan Uälihanov"), Dezdemona ([[Şekspir|U.Şekspir, "Otello") siiaqty arular beinesın jasap, lirikalyq sezım-boiauy mol aktrisa ekenın tanytty. Äsırese, Şärıpovanyŋ şyǧarmalyq öner ǧūmyrnamasynda Qaragöz (Äuezov, “Qaragöz”) rölı ülken oryn alady. Būl rölı arqyly aktrisa jas aru Qaragözdıŋ boryş pen sezım arasyndaǧy alasūrǧan jan qaiǧysy men tragediialyq taǧdyryn psihologiialyq-emosiialyq tūrǧydan zor şeberlıkpen aşyp, ūmytylmas tolyqqandy sahnalyq beine jasady. Şärıpova dramalyq, ötkır mınezdı, komediialyq rölderde de oinap, özınıŋ san qyrly sahna suretkerı ekenın baiqatty: Qarlyǧaş (Äuezov pen L.S. Sobolev, "Abai"), Dämeş (Ä.Täjıbaev, "Köŋıldester"; Ş.Hūsaiynov, "Qily-qily taǧdyrlar"), Nūrsūlu (Q.Baiseiıtov pen Q.Şaŋǧytbaev, "Beu qyzdar-ai" men "Oi, jıgıtter-oi"), Pülış (B.Mailin, “Maidan”), Ajar, Valentina Nikolaevna (S.Jünısov, “Ajar men ajal” jäne “Kemeŋgerler men köleŋkeler”), Aişa (T.Ahtanov, “Säule”), Nazgül, Gülzar, Fariza (Äbışev, “Künşıldık”, “Belgısız batyr” men “Käusar”), Bikeş (Q.Mūqaşev, “Partorg”), Ainaş (Ş.Qūmarova, “Kımnıŋ toiy?”), t.b. Ş. ärbır rölımen özıne tän ädemı de ärlı, baurap alar tartymdy, aşyq ta aiqyn diksiiasy, äserlı de äuezdı änşılık pen emos. tebırenıske toly dauys ünı men plastik. qimyl-äreketı arqyly körkem sahnalyq beinelerdı şynaiy keskındedı. TMD jäne şet el dramaturgiiasynyŋ tuyndylary boiynşa qoiylǧan spektaklderde de erekşe közge tüstı: Sattyhan, Bahri (S.Ahmad, “Kelınder köterılısı” men “Küieu”), Ükıbala (Ş.Aitmatov, “Ǧasyrdan da ūzaq kün”), Ellen (İ.P. Kupriianov, “Vetnam jūldyzy”), Kaplan (A.Iа. Kapler, “Lenin 1918 jyly”), Ganna (A.A. Dudarev, “Keş”), Elena (A.M. Gorkii, “Künnen tuǧandar”), Anita (V. Delmar, “Ökınıştı ömır”), Äkım äiel (F.Erve, “Tülkı bikeş”), t.b. Kezınde ol köptegen dubliajǧa jäne radioqoiylymdarǧa qatysyp, körkem söz oqumen de (Äuezov, Müsırepov, S.Seifullin, t.b. jazuşylardyŋ şyǧarmalary) şūǧyldandy.

Kino rölderı

Nūrjamal (“Öjet qyz”, 1955), Dina (“Bız osynda tūramyz”, 1957), Hadişa (“Ömır joly”, 1961), Prokuror (“Şyŋdaǧy şynar”, 1965), Qarlyǧaş (“Abai” telefilmı, 1976), Bälziia (“Zaman-ai”, 1997), t.b. 1958 j. Mäskeu q-nda ötken qazaq ädebietı men önerınıŋ onkündıgıne qatysty.

Marapattary

• 1959 jyly "Qazaq SSRnyŋ eŋbek sıŋırgen artisı"
• 1966 jyly "Qazaq SSRnyŋ Halyq artisı" qūrmettı ataqtary berıldı.
• 1959 jyly "Qūrmet belgısı" ordenı
• 1981 jyly "Halyqtar dostyǧy" ordenı
• 2005 jyly QR tūŋǧyş prezidentınıŋ jarlyǧy boiynşa eŋ joǧarǧy «Otan ordenı» men marapattalǧan.
• Bırneşe dürkın Qazaq KSR joǧarǧy keŋesınıŋ "Qūrmet" gramotalary men marapattalǧan.
• Köptegen medaldardyŋ iegerı.
• 2016 jyly QR tūŋǧyş prezidentı - Elbasynyŋ mädeniet pen öner salasyndaǧy memlekettık stependiiasynyŋ iegerı.
• Resmi derekter ǧalamtordaǧy Vikipediiadan alyndy.
• Berdaly OSPAN,
• "ADYRNA" ūlttyq portaly