Qoǧam qairatkerı, eks-deputat Serık Äbdırahmanov «Sūrauy bar» baǧdarlamasyna bergen sūhbatynda ŪQK Nazarbaevtyŋ jekemenşık mekemesıne ainalyp ketkenın aitty dep habarlaidy "Adyrna" derekközge sıltep.
«Qaŋtardan berı, mıne, jarty jyl öttı. Şyndyq pen kınälılerdıŋ aty atalǧan joq. Al qamauǧa kımder alyndy? Negızgı aiypkerler emes, oryndauşylar. Ūlttyq qauıpsızdık komitetı degen Nazarbaevtyŋ jekemenşık kontorasyna ainalyp ketken dünie. Sol sebepten özın tartu kerek edı. Tarta almai otyr. Qaralyp jatyr ol aiyptylar. Seneiık! Qazır qoǧamnyŋ köŋılı sybailas jemqorlyqqa auyp kettı. Anany da, mynany da ūstap jatyr. Anau bır maŋqa general Erǧojinnıŋ özınen 3 mlrd dollar tabylypty. Qatardaǧy, saptaǧy 10-20-şy tūrǧan ūry jüiesınıŋ ökılı» deidı Äbdırahmanov.Sonymen qatar, eks-deputat Erǧojin turaly mälımettı qaidan alǧanyn tüsındırdı.
«Tergeu oryndary aqyryn taratyp jatyr. Senımdı adamdarym bar. Eger şynaiy sybailas jemqorlyqpen küres bastalsa, bızdıŋ biudjet dollardyŋ astynda qaluy kerek. Profisit üstıne profisit, aqşany qaida jūmsaimyz degen eŋ basty problema şyǧar edı. Ondai joq. Qanışerlerdıŋ aty atalǧan joq. Demek, barlyǧy aqyryn «tormozben» ketıp bara jatyr. Būl Toqaev üşın öte qauıptı jaǧdai» deidı Äbdırahmanov.
"Adyrna" ūlttyq portaly
