Mūsa Şormanūly öz zamanynyŋ ülken tūlǧasy. Onyŋ ūrpaqtary da qazaq tarihynda özındık orny bar azamattar. "Mädeniet" portaly jaqsy habar jariialady: "Memleket jäne qoǧam qairatkerı, aǧartuşy Mūsa Şormanūlynyŋ tuǧanyna biyl 200 jyl. Osyǧan orai tarihi tūlǧanyŋ elı Baianauyl audanynyŋ Teŋdık auylynda Mūsa Şormanūly kesenesınıŋ qūrylysy bastaldy. Tarih betterıne üŋılıp, ötkenge şolu jasaityn bolsaq, alaqandai Teŋdık auylynda arǧysy Būqar Jyrau, Mūsa Şormanūly, bergısı Qanyş Sätbaidyŋ kındık qany tamǧan. Bügınde qazaq elınıŋ betbelgısı altyn adamdy älemge tatyntqan Kemel Aqyşev ta sol auyldyŋ tumasy. «Ruhani jaŋǧyru» ruhymyzdy köterdı degen bastamaşyl top kesene qūrylysymen qatar ülken zirattyŋ maŋaiyn retke keltırmek. Sonymen qatar Şorman äuletıne arnalǧan muzei aşu közdelgen.
Amanjol Säipiūly, Mūsa Şormanūlynyŋ ūrpaǧy:
- Şoqan Uälihanov tuǧan naǧaşysy. Mūsa Şormanūlynyŋ qaryndasynan tuyp otyr. Qazaqtyŋ jastary oqysyn, alǧa jyljysyn, qaraŋǧylyqtan közderı aşylsyn degen kısınıŋ bırı. Būqar Jyrau babamyz siiaqty mavzoleiı bolsa deimız. Bärı sūraidy, būl kım, qaidan kelgen dep.
Altynbek Nūhūly, ūiymdastyru komitetınıŋ töraǧasy, PMPU rektory:
- Bergı akademikterdı qosyp aita beruge bolady. Myna eskertkıştı körıp tūrsyzdar, Äbıkei Säduaqasov – däl sol Aqkelınde tuǧan azamat. Endı osyndai ūly ǧūlamalar, aǧartuşylar – elımızdıŋ, qazaq elınıŋ maqtanyştary. Tuǧan auyldy körkeitu būl bügıngı künı ülken bır maqtanyş bolyp otyr jäne sol aruaqtar aldyndaǧy taǧzym retındegı ıs bolady dep oilaimyn".
Egemen Qazaqstan ekonomikasymen qatar mädenie ruhani tüzelu jolynda da jaŋa jetıstıkterge jetıp keledı.
"ADYRNA" ūlttyq portaly
