Tanymal ekonomıst, bloger Dáýlet Muqaev "Air Astana men FlyArystan kompanııalaryna reısiniń keshigý faktisi boıynsha jappaı túsken shaǵymdardan keıin Azamattyq avıaııa komıteti men Qazaqstannyń avıaııalyq ákimshiligi tekserý júrgizetin boldy" dep habarlady. Bul týraly ol óziniń Instagram paraqshasynda jazdy.
"Air Astana men FlyArystan kompanııalaryna reısiniń keshigý faktisi boıynsha jappaı túsken shaǵymdardan keıin Azamattyq avıaııa komıteti men Qazaqstannyń avıaııalyq ákimshiligi tekserý júrgizetin boldy. Osyǵan deıin bul eki áýe kompanııasynyń ústinen reısterdi keshiktirýi, ushaq ishindegi oryndardan artyq bıletterdi satýy, jáne keshiktirilgen nemese keıinge qaldyrylǵan reıster úshin bılet qunyn keri qaıtarmaýy týraly birneshe shaǵymdar túsken. Oqyrmandardan kún saıyn hattar kóp keledi. Keshigýler óte kóp. Tipti reısterdi de joq qyla salady da, jańa reıs ashyp, bıletterdi qymbatqa satýda. Flaıarystan arzan loýkoster dep edi, qaıdam, baǵalary 3-4 esege deıin ósip ketken. Ári 5 keli júkten assa, taǵy aqsha... Ishinde sý-pýdyń ózin 2-3 ese qymbatqa satady. Ótkende ár keshikken saǵatyna 3% aqsha qaıtarýdy aıtqan edim. Endi qosymsha aqparat: Reıs 2 saǵatqa keshikken jaǵdaıda salqyn sýsyn, 4 saǵat kútken kezde ystyq tamaq jáne túngi ýaqytta ystyq tamaq tegin berilýi qajet. Sondaı-aq kúndiz 8 saǵattan asa jáne túnde 6 saǵattan artyq kútken jaǵdaıda qonaqúı, kólik tasymaly qamtamasyz etilýi tıis. Sizde ushaq (reıs) keshikken jaǵdaılar boldy ma? Áýe kompanııasy tıisti kómek kórsetti me? Kompanııalardy pikirge belgilep keteıik. Óz quqyǵymyzdy bile júreıik. Ári sonyń durys oryndalýyn talap eteıik. Bári ózimizge baılanysty. Úndemesek basyna beredi", - dep jazdy bloger óziniń ınstagram paraqshasynda.
"Adyrna" ulttyq portaly
