QR Ūlttyq sport türlerınen būrynǧy memlekettık jattyqtyruşy Ramazan Sättıbai jurnalist Nartai Aralbaiūlyna bergen sūhbatynda Ūlttyq sport qauymdastyǧy Bekbolat Tıleuhanov basqarǧan kezde ne sebeptı qūldyrap ketkenı toqtalyp, bylyqtaryn aşyp berdı. Būl turaly "Adyrna" ūlttyq portaly jazady.
"Bekbolatty Ūlttyq sport qauymdastyǧyna qolynan jetektep özım alyp keldım. Ūlttyq sportymyz damu kerek dedım. Bıraq būl jerde jalǧandyq köbeiıp kettı. Būl jarnama. Ūlttyq sport jarystaryn qauqyldatyp, şuyldatyp, duyldatyp ötkızemız. Bıraq onyŋ ar jaǧynda bır keremet närı, tärbielık mänı joq. Sondai bır el "Oi, şırkın-ai! Mıne, bolsa osyndai bolsyn! Naǧyz qazaqtyŋ ruhani düniesı tırılıp jatyr ǧoi! Mynau keremet eken" degen närsesı joq. Sol özımız sol 15-20 üiımızdı tıgıp tastap, ulaǧan-şulaǧanǧa ärı sapyryp, berı sapyryp ötkızemız. Bekbolatty sol qyzmetke äkelgenıme ökındım desem de bolady. Nege deseŋ... Jüdeu, talǧampazdyq joq. Tük joq. Qūr äşeiın bügıngımen ǧana jarq-jūrq etıp ötkıze salyp, erteŋgı künı ol öşse öşe bersın degendei...", - deidı Ramazan Sättıbai.Sūhbat barysynda Ramazan Sättıbai Ūlttyq sport qauymdastyǧy Bekbolat Tıleuhannyŋ jeke menşık ǧimaratynda otyratynyn mälımdedı.
"Qauymdastyq degende özınıŋ jeke menşık ǧimaraty ǧoi. Sol Bekbolattyŋ özıne qaraityn ǧimarattyŋ ışınde bızdıŋ qauymdastyǧymyz otyrady. Qazırgı sportty damytu ortalyǧy ol kısıler de sonda otyrady. Endı būl qauymdastyqqa aqşa biudjetten emes Samūryq-Qazynadan bölındı. Sol qordan jylyna bızge aqşa bölınedı. "Ana jarysqa jetpei jatyr, myna sportty köteru kerek" dep aitam... "Aqşa joq, aqşa joq, aqşa joq ana jerde". Endı Samūryq-Qazynadan bır körgenımde jylyna bız 1 mlrdtai aqşa aldyq. Būl ūlttyq sportqa degen sūmdyq aqşa!", - deidı jattyqtyruşy.Ramazan Sättıbai Ūlttyq sportqa bölıngen aqşany sol kezde Qairat Satybaldy iemdenıp, özı alyp otyrǧanyna toqtaldy.
"Bekbolat ekeumız bır künı renjıstık. Aqşa qaida? dep. "Aqşa endı Raha özıŋız bılesız ǧoi, Samūryq-Qazynadan Qairekeŋ baryp alady" dedı. Bızdıŋ pochetnyi prezident, qūrmettı prezidentımız Qairat Satybaldy alyp ketedı, aqşa sol kısıde qalady. Men aitamyn: "Toqtat, tura bızdıŋ Ūlttyq sportymyzǧa qarap tūr ma? Osy bızdıŋ aqşamyzǧa? Ony jalǧyz men emes estıgen. "Bolmaidy jıgıtter, mynany aitu kerek. Qairat sonda bızdıŋ Ūlttyq sportymyzǧa qarap jür ma sonda?" dedım. "Oi qaitesız Raha! Qaitesız ony. Nemenege büitesız ony" dedı. Men "Toqtat, men oǧan öşpendılıkpen, körealmauşylyqpen, qyzǧanyşpen, basqa bırdenemen emes... Özın qaraş äne, taekvondony qara! Karateny qara! Altynmen aptap, kümıstep qaptap qoiǧan. Ei, men öz jerımde jürıp, öz auylymda jürıp ūlttyq sportym ne bolyp jatyr? Mynau qaiyrşy emes, sorlynyŋ küiın keşıp jür ǧoi... Būl sonda qalai?", - deidı Ramazan Sättıbai.https://youtu.be/HTPzaJ1rxk4
