Almaty oblysynda 40 memlekettık qyzmetker paramen ūstaldy

Para alu köbeiıp barady. Sybailas jemqorlyqqa qarsy ıs-qimyl biurosynyŋ Almaty oblystyq departamentınıŋ mamandary alǧaşqy jartyjyldyqta osyndai 45 qylmysty äşkerelegen. Būl ötken jylmen salystyrǧanda 10 paiyzǧa köp. «Öitkenı memlekettık qyzmetkerler merdıgerlerden köbıne atqarylǧan jūmys aktısınıŋ jalpy qūnynda körsetılgen aqşanyŋ belgılı bır bölıgın talap etedı», – deidı departament basşysy Daniiar Tūrǧanbaev. Ötken alty aidyŋ qorytyndysy boiynşa 89 zaŋbūzuşylyq anyqtalsa, sonyŋ 80-ı jeŋ ūşynan jalǧasqan jemqorlyqqa qatysty. Qylmystyŋ der kezınde aşyluynyŋ arqasynda qazynaǧa 97 mln teŋge qaitarylǧan. Vedomstvoda käsıpkerler qūqynyŋ qorǧaluyna ülken basymdyq berılgen. Almaty oblysynda käsıpkerlık nysandarynyŋ jūmysyna zaŋsyz aralasu boiynşa 6 derek tırkelıp, 1 lauazymdy qyzmetker sotpen jauapkerşılıkke tartyldy. Daniiar Tūrǧanbaev, SJQIQ biurosy Almaty oblystyq departamentınıŋ basşysy: "Jemqorlyqtyŋ aldyn alu maqsatynda 59 jinalys ötkızdık. Negızgı bız paraqorlyqpen köbırek kezdesemız. Mysaly, biylǧy jartyjyldyqty aitsaq, 45 faktı äşkerelep otyrmyz. Sonyŋ özınde 40 adam, 40 memlekettık qyzmetker paraqorlyqpen ūstalyp otyr". Būl turaly zakon.kz, Habar 24 arnasy jazǧan aqparatqa sılteme jasap habarlady.