Bas Prokýrordyń birinshi orynbasary T.Ǵ. Táshimbaev bastaǵan Qazaqstan Respýblıkasy Bas prokýratýrasynyń delegaııasy Amerıka Qurama Shtattaryna jumys sapary barysynda AQSh Ádilet departamentiniń basshylyǵymen, FTB jáne Dúnıejúzilik bank ókilderimen birqatar kezdesý ótkizdi, dep habarlaıdy "Adyrna" ulttyq portaly Bas prokýratýranyń baspasóz qyzmetine silteme jasap.
Taraptar naqty qylmystyq ister boıynsha yntymaqtastyqty nyǵaıtý, suraý salýlardy elektrondyq formatta berý, kıberqylmyspen kúres salasynda tájirıbe almasý, sottalǵandardy ustap berý jáne berý týraly sharttar jasasý máselelerin talqylady.
Kezdesý barysynda T.Táshimbaev amerıkalyq áriptesine bıylǵy 5 maýsymda Memleket basshysynyń Jarlyǵymen ekonomıkalyq resýrstardy zańsyz shoǵyrlandyrýǵa qarsy is-qımyl máseleleri jónindegi vedomstvoaralyq komıssııa qurylǵany týraly jetkizdi, onyń negizgi maqsattarynyń biri elden zańsyz shyǵarylǵan qarjy qarajatyn qaıtarý bolyp tabylady.
AQSh Ádilet departamentiniń ókilderi qylmystyq aktıvterdi izdeýge jáne AQSh-tan Qazaqstanǵa qaıtarýǵa qoldaý kórsetýge daıyn ekenderine sendirdi.
Taraptar birlesken kúsh-jigermen ǵana transulttyq uıymdasqan qylmysqa jáne qylmystyq kiristerdi jylystatýǵa qarsy tıimdi kúres júrgizýge bolady degen ózara pikirge keldi.
Budan bólek, Qazaqstan delegaııasy Dúnıejúzilik Banktiń "StAR Initiative" (Urlanǵan aktıvterdi qaıtarý bastamasy) jobasynyń ókilderimen kezdesti.
Dúnıejúzilik bankpen Qazaqstannyń shetelge, onyń ishinde ofshorlyq ıýrısdıkııaǵa shyǵarylǵan qylmystyq jolmen tabylǵan aktıvterdi qaıtarý boıynsha kúsh-jigerin qoldaý jáne yntymaqtastyqtyń kórsetilgen baǵyty boıynsha prokýrorlar men tergeýshiler úshin trenıngter ótkizý máseleleri talqylandy.
Bank ókilderi qazaqstandyq taraptyń bul bastamalaryn qoldady.
Is-shara qorytyndysy boıynsha taraptar ótken dıalogqa qanaǵattanýshylyq bildirdi jáne odan ári ózara is-qımyl boıynsha birlesken qadamdardy belgiledi.
"Adyrna" ulttyq portaly
