QR Memlekettık keŋesşısı Erlan Qarinnıŋ töraǧalyǧymen Sybailas jemqorlyqqa qarsy ıs-qimyl mäselelerı jönındegı komissiianyŋ otyrysy öttı, dep jazady "Adyrna" ūlttyq portaly.
Jiynda Qazaqstan Respublikasynyŋ sybailas jemqorlyqqa qarsy saiasatynyŋ 2022-2026 jyldarǧa arnalǧan tūjyrymdamasynyŋ jüzege asyryluy jäne Europa Keŋesı janyndaǧy sybailas jemqorlyqqa qarsy küres boiynşa memleketter tobynyŋ (GREKO) ūsynymdary qarastyryldy.
Bırınşı mäsele boiynşa Erlan Qarin sybailas jemqorlyqqa qarsy jüielı küres Prezident reformalarynyŋ basym baǧyttarynyŋ bırı ekenın aitty. Osy oraida jyl basynda 2022-2026 jyldarǧa arnalǧan sybailas jemqorlyqqa qarsy saiasat tūjyrymdamasy qabyldandy. Tūjyrymdama strategiialyq mındetterge qol jetkızuge, sybailas jemqorlyqtyŋ alǧyşarttaryn joiu jäne jemqorlyq deŋgeiın tömendetu boiynşa keşendı jūmys jürgızuge, qoǧamda sybailas jemqorlyqqa qarsy immunitettı qalyptastyruǧa jäne halyqtyŋ äl-auqatyn arttyruǧa baǧyttalǧan.Tūjyrymdama institusionaldyq jäne naqty baǧyttardy qamtidy. Sonymen qatar sybailas jemqorlyqqa qarsy jaŋa tetıkterdı pysyqtaudy, memlekettık organdar men azamattyq qoǧam subektılerın sybailas jemqorlyqty joiu jönındegı jūmysqa qatystyrudy közdeidı. Memlekettık keŋesşı atalǧan jūmystyŋ tiımdı ıske asuy tiıstı memlekettık organdar men ūiymdardyŋ jauapkerşılıgıne tıkelei bailanysty ekenın atap öttı. Osy oraida, komissiia otyrysynda Tūjyrymdamany oryndauǧa qatysty problemalar körsetılıp, syn-eskertpeler aityldy.
Ekınşı mäsele boiynşa elımızdıŋ Halyqaralyq sybailas jemqorlyqqa qarsy GREKO bastamasyna qatysu perspektivasy talqylandy.Erlan Karinnıŋ pıkırınşe, GREKO aiasyndaǧy özara tiımdı yntymaqtastyq köptegen damyǧan elderde täjıribeden ötken jäne ıske asyrylyp jatqan sybailas jemqorlyqqa qarsy ıs-qimyl tetıkterın qabyldauǧa mümkındık beredı. Otyrysta talqylanǧan mäselelerdı eskere otyryp, Komissiia naqty ūsynymdar äzırledı. Memlekettık keŋesşı Erlan Qarin jiyn qorytyndysy boiynşa bırqatar tapsyrma berdı.
"Adyrna" ūlttyq portaly
