"Elımızden zaŋsyz şyǧarylǧan kapital - Qaŋtar oqiǧasy kezınde zardap şekken otbasylarǧa, onyŋ ışınde azamattary qaza tapqan, mert bolǧan otbasylarǧa materialdyq kömek türınde ūiymdastyryluy kerek! Bız qara jamylyp otyrǧan otbasylardyŋ jaǧdaiyn rettestıruge mındettımız". Būl pıkırdı belgılı advokat Abzal Qūspan Adyrna.kz ūlttyq portalynyŋ tılşısıne bergen sūhbatynda aitty.
"Kezınde zaŋsyz şyǧarylǧan kapital elımızge qaitarylu üstınde. Osy qaitarylyp jatqan qarajat qaida, qalai jūmsaluy qajettılıgı turaly jurnalister sūraq qoiǧan eken. Menıŋ pıkırım - būl qarajat eŋ bırınşı kezekte myna biylǧy Qaŋtar oqiǧasy kezınde zardap şekken otbasylarǧa, onyŋ ışınde azamattary qaza tapqan, mert bolǧan otbasylarǧa materialdyq kömek türınde ūiymdastyryluy kerek dep esepteimın. Öitkenı, QR Konstitusiiasynyŋ 1-babynda "Memlekettıŋ eŋ basty qazynasy - adam jäne onyŋ ömırı" dep körsetılgen. Endeşe memleket özınıŋ azamattary aldyndaǧy jauapkerşılıgın tereŋ sezıne otyryp, sol qaza tapqan azamattardyŋ kınäsınıŋ bar nemese joq boluyna qaramastan olardyŋ artynda qalǧan otbasylaryna, otbasy müşelerıne kömek körsetuge tiıs", - deidı Abzal Qūspan.https://youtu.be/kSGFaj7jEDw Advokattyŋ aituynşa, memleket bärınen būryn Qandy qaŋtarda azamattarynan aiyrylyp, qaiǧy qūşyp, qan jūtqan otbasylardyŋ jaǧdaiyn rettestıruı kerek.
"Ärine, keibır azamattarymyz "qazırgı mynau düniejüzılık azyq-tülık tapşylyǧy jaǧdaiynda özımızdıŋ otandyq öndırıstı damytuǧa, iaǧni ekonomikanyŋ naqty sektoryna jūmsau qajet" dep aityp jatyr. Ol pıkırlerdı men qoldaimyn, quattaimyn! Bıraq, är närsenıŋ özınıŋ kezektılıgı, rettılıgı tūrǧysynan keletın bolsaq, däl qazırgı eŋ basty qūndylyǧymyz bolyp tabylatyn azamattarymyzdyŋ qara jamylyp otyrǧan otbasylarynyŋ jaǧdaiyn rettestıruge bız mındettımız! Odan artylyp qalǧan qarajat - ekonomikaǧa nemese elımızdegı basqa da äleumettık az qamtylǧan toptarǧa jaratylyp jatsa jön bolar edı", - deidı advokat.
Zarina ÄŞIRBEK,
"Adyrna" ūlttyq portaly
