Astanada 7 myŋnan astam adam gepatit ındetıne şaldyqqan

Qamşy.kz saityny habarlauynşa: 2017 jyldyŋ statistikalyq derekterıne süienetın bolsaq, Astana qalasynda gepatit auruyna şaldyqqan 7005 adam tırkeldı: onyŋ 95-ı bala (ärtürlı jastaǧy balalar men jasöspırımder) jäne 6910-y eresek adam. Adam aǧzasyndaǧy eŋ maŋyzdy qyzmetterdıŋ bırın bauyr atqaratyny belgılı. Bauyr adam aǧzasynyŋ himiialyq zerthanasy bolyp sanalady, öitkenı qandy tazartu men uly zattardan aryltuǧa kömektesetın basty ışkı müşelerdıŋ qataryna jatady. 300 milliardqa juyq bauyrdaǧy jasuşa qannan aǧzaǧa qajettı qyşqyldar men qorek bolar önımderdı bölıp alyp, süzgıden ötkızıp, qajettı jerıne jetkızıp otyrady. Gepatit nemese sary auru – gepatit virustary men infeksiialardan bolatyn bauyrdyŋ ötkır jäne sozylmaly qabynu aurulary. Gepatittıŋ A, V, S, D jäne E türlerı bary belgılı. Olardyŋ ärqaisysynyŋ öz erekşelıkterı bar. Gepatit köbınese simptomsyz ötedı nemese basqa aurulardyŋ simptomdaryna ūqsas keletındıkten diagnozdy der kezınde qoiu qiyn. Sonysymen gepatit qauıptı auru bolyp sanalady. Asqynuynyŋ saldarynan bauyr sirrozy, bauyr ısıgı, fibroz siiaqty qauıptı syrqatqa alyp keledı. Gepatit virustary lastanǧan taǧamdar men su paidalanu, antisanitarlyq jaǧdaida ömır süru, virus jūqqan qandy qūiu, bosanu kezınde jūqtyru, jynystyq qatynas, aǧzaǧa uly zattardyŋ tüsuı, jeke gigiena talaptaryn saqtamau siiaqty türlı joldar arqyly berıledı. Al virustan qorǧanudyŋ eŋ basty joly – aurudyŋ aldyn alu, iaǧni jeke tazalyqty saqtau, taza auyz sudy tūtynu, qauıpsız jynystyq bailanys, naşaqorlyq qūraldardy qoldanudan bas tartu, kosmetikalyq şaralardy arnaiy mekemelerde jasatu, ineksiia üşın bır rettık ine men şpristı qoldanu, qan önımderınıŋ qauıpsızdıgın qamtamasyz etu, vaksinasiia jasau. -İmmundau şarasy jyl saiyn 2-3 million adamnyŋ ömırın saqtap qaluǧa mümkındık beredı. Qazaqstanda soŋǧy 25 jylda jappai ekpe jasau nätijesınde V gepatitımen auyrǧan balalar sany 1234,5, eresekter sany 311,5 ese azaiǧan. Qazırgı taŋda gepatitten qorǧanudyŋ eŋ tiımdı joly – ekpe saldyru. Būl rette memleket kepıldendırılgen tegın medisinalyq kömek paketı arqyly azamattarǧa qauıptı aurulardyŋ, sonyŋ ışınde, gepatittıŋ aldyn aluǧa zor mümkındık beredı», - dedı «ÄMSQ» KEAQ Astana qalasy boiynşa filialynyŋ direktory N.Qabdyqaparov.